• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:29:15
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Talaı darynnyń juldyzyn jaqqan óner ordasy

Elbasy Nursultan Nazarbaev: «Bolashaqqa baǵdar: rýhanı jańǵyrý» atty baǵdarlamalyq maqalasynda aldymyzǵa qoıǵan bıik maqsatqa jetý úshin bizdiń sanamyz isimizden ozyp júrýin, ıaǵnı odan buryn jańǵyryp otyrýyn, ol úshin bolashaqqa qalaı qadam basatynymyz jáne buqaralyq sanany qalaı ózgertetinimiz týraly kózqarasyn ortaǵa salǵan bolatyn. Sondaı-aq, ulttyq mádenıet – bul bizdiń ulttyq kodymyz ekenin aıtqan edi. Al ulttyq mádenıetimizdi jas urpaqtyń boıyna sińiretin úlken shańyraqtyń biri – aýyl-aýyldaǵy óner mektepteri. Boıynda ónerge degen qyzyǵýshylyǵy bar balanyń barlyǵy alǵash bilimin osy óner mektebinen alady.

Balalardyń boıyna ulttyq ónerge degen súıispenshilik dánin seýip otyrǵan bilim ordalarynyń biri – Jýaly aýdanyndaǵy №1 Balalar óner mektebi.

О́ner mektebiniń irgetasy 1950 jyly qalanǵan. 1971 jyly mýzyka mektebi bolyp ashylǵan. 1993 jyldan bastap Balalar óner mektebi bolyp qaıta quryldy. О́ner mektebinde 2019-2020 oqý jylynda 1141 bala tárbıe-bilim alýda. Ústimizdegi jyldyń qańtar aıynan bastap Kúreńbel orta mektebiniń bazasynan óner mektebiniń №1 fılıaly ashyldy. Sol sebepten 200 bala qosymsha qosyldy. Barlyǵy 1141 balany qurap otyr. Onyń 34-i ózge ult ókilderi.

Mektepte 46 muǵalim eńbek etedi. Balalardyń ónerge degen qyzyǵýshylyǵy jyl sanap artyp keledi. Oqýshylar eki aýysymda oqıdy. Mektepte 10 úıirme bar. Olar: dombyra, baıan, akkordeon, fortepıano, gıtara, teatr, horeografııa, sándik qoldanbaly óner, kórkemsýret, estradalyq án.

О́ner mektebiniń ustazdarynan quralǵan folklorlyq ansambl, vokaldi-ınstrýmentaldi ansambl aýdandyq úlken is-sharalarda únemi óner kórsetip keledi. Kásibı mamandardyń ónerge baýlyǵan shákitteri de elimizdegi óner juldyzdaryn tárbıeleıtin arnaýly jáne joǵary oqý oryndarynda bilimderin shyńdap, eńbek etýde.

Mektep shákirtteri jyl saıyn túrli oblystyq, respýblıkalyq, halyqaralyq baıqaýlarǵa qatysyp, júldeli oryndardy ıelenip keledi. Máselen, ótken oqý jylynda «Biz baqytty balamyz!» atty respýblıkalyq án-bı baıqaýynda «Juldyzaı», «Qazyna» bı toptary I oryndy ıelense, Gúlim Meıirhan bas júldeni jeńip aldy. II respýblıkalyq «Daraboz Jýaly» baıqaýynda «Murager» dombyrashylar ansambli, «Shabyt» teatr toby, Ásel Ábilhaıyrova, «Qazyna» bı toby, Erjan Ámınov, Baýyrjan Hoja-Ahmedov jáne «Tumar» bı toby I oryndy ıelendi. I respýblıkalyq «Talantty Qazaqstan» óner baıqaýynda Arslan Juman bas júldeni jeńip alsa, «Úrker- 19» respýblıkalyq baıqaýynda ártúrli nomınasııalar boıynsha bes oqýshy I oryndy ıelendi. Sonymen birge oblystyq, aýdandyq deńgeılerdegi baıqaýlarda da kóptegen shákirtteri top jardy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir