Tarazda "Adaldyq kitaphanasy" ashyldy

Jambyl oblysynda «Jambyl – adaldyq alańy» jobasy aıasynda «Adaldyq kitaphanasy» saltanatty túrde ashyldy. Taraz memlekettik pedagogıkalyq ýnıversıtetinde ashylǵan «erekshe» kitaphana jastardy parasattylyqqa baýlyp, sybaılas jemqorlyqqa qarsy sana men joǵary mádenıetti qalyptastyrý maqsatynda ashyqtyq, adaldyq prınsıpine negizdelgen.

Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń birinshi orynbasary Ravıl Tólebaev ıgi is-sharada osyndaı adaldyqqa, parasattylyqqa tárbıeleıtin jobalar arqyly óskeleń urpaqtyń boıyna jaqsy qasıetterdi sińirip, olardy adamgershilikke, eńbeksúıgishtik pen sanaly azamat bolyp qalyptasýyna úles qosýǵa bolatyndyǵyn aıtty.

«Adaldyq kitaphanada» jeke, erkin jáne toptyq jumys jasaýǵa arnalǵan bólimder bar. Jastardyń tynysh otyryp daıyndalatyn kabınalary, erkin otyryp demalatyn keńistigi, toppen jumys jasaýǵa jáne trenıngter ótkizýge bolady. Bos ýaqytyn shahmat, doıby syndy oıyndarymen qyzyqty jáne tıimdi ótkizýge, jumsaq oryndar kitap oqýǵa jáne júregine jaqyn áýen tyńdap demalýyna jaǵdaı jasalǵan. Munda kitaphanashylar qyzmeti dástúrli formattan erkin keńesshi formatyna kóshti, ıaǵnı stýdent ózi erkimen qajetti quraldaryn tańdap, erkin paıdalanýyna múmkindik bar.

– Kitaphanany ashýdaǵy maqsat – qoǵamda senim bildirý atmosferasyn qalyptastyrý. Osyǵan uqsas mehanızm ondaǵan jyldar boıy skandınavııa elderinde qoldanylyp keledi. Joba turǵyndardyń boıynda parasattylyq jáne ádildik sııaqty moraldyq sıpattardy tárbıeleýge baǵyttalǵan. Bul faktorlar sybaılas jemqorlyqqa qarsy ımmýnıtettiń paıda bolýyna tikeleı áserin tıgizedi, – deıdi Ravıl Tólebaev.

Kitaphana ashý bastamasyn kóterýshiler «adaldyq» bastamasynan sózsiz kúmándánbaıdy. Mundaı dúkender men kitaphanalar tipti mektepterde de ashyla alatynyna senimdi.

Aıta ketý kerek, osyndaı dúkender qazirdiń ózinde keıbir Skandınavııa elderinde bar. Olardy engizý – ishki qasıetterdi qosa alǵanda, oń qasıetterdi damytý, jastardyń aqyl-parasatynda sybaılas jemqorlyqqa qarsy sana men jemqorlyqqa qarsy joǵary mádenıetti qalyptastyrýǵa bastaıdy.