• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:40:42
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Kásipkerliktiń qyr-syryn úırendi

Memleket basshysy Qasym-Jomart Toqaev óz Joldaýynda elimiz shaǵyn jáne orta bıznesti damytýǵa qatysty jumystardy ármen qaraı júrgize beretindigin aıtqan edi. «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen, aýyl turǵyndaryna turaqty jumys beredi, jumyssyzdyqty azaıtady. Sonymen qatar, salyq bazasyn qurap, jergilikti bıýdjetti nyǵaıtady. Sondaı-aq, jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi. Sondyqtan memleket aldaǵy ýaqytta da bızneske qoldaý kórsete beredi. Bul maqsatqa Ulttyq qordan 100 mıllıard teńgege jýyq qarjy bólindi» dep kásipkerlerge tıisti qoldaýlar kórsetiletin naqtylady. Prezıdent kásipkerlikti damytýdyń úlgi bolarlyq mysaldary elimizde jetkilikti ekendigin aıtyp, shaǵyn kásipkerlikti búkil qoǵam bolyp qoldaý kerektigin alǵa tartty. «Úkimetke mıkro jáne shaǵyn bıznes salasyndaǵy kompanııalardy tabysqa salynatyn salyqtan úsh jylǵa bosatý úshin zańnamalyq baza ázirleýdi tapsyramyn. Biz bıznestiń adal ári zańǵa sáıkes júrgiziletinine senemiz» dep bıznes ókilderine úlken senim bildirdi. Bul degenimiz keleshekte elimiz boıynsha shaǵyn jáne orta bızneske degen qoldaý eselenedi degen sóz.

Búginde azamattardy kásipkerlikke baýlý, onyń qyr syryn úıretý – memlekettiń mańyzdy baǵyttarynyń biri. Bul baǵytta aýqymdy jumystar atqaryp júrgen «Atameken» kásipkerlik palata qyzmetkerleriniń eńbegin elep, erekshe atap ótkenimiz jón bolar. Jýyrda atalmysh palatanyń T. Rysqulov aýdandyq fılıaly qyzmetkerleriniń uıymdastyrýymen ilkimdi is-sharalardyń biri ótti. Shara barysynda Qulan aýylsharýashylyǵy kolledjiniń stýdentteri men mektep oqýshylary kásipkerlermen kezdesip, olardyń atqaryp otyrǵan jumystarmen jaqyn tanysty. Stýdentter men oqýshylar eń aldymen palatanyń aýdandyq keńsesinde jınalyp, onda fılıal dırektory Nurlan Saparbekov jastarǵa ekskýrsııanyń maqsat-mindetin túsindirdi. Odan bólek Nurlan Gızzatuly keńsege kelip, kásipkerlikke qatysty tegin keńes alýǵa bolatynyn, bıznes jobany jasaý joldaryn, kásipkerlerdiń quqyqtaryn, «Bastaý bıznes» pen «Jas kásipker» baǵadarlamalarynyń sharttaryn baıandap berdi.

Izinen sharapaty mol is-shara ekskýrsııaǵa ulasty. Stýdentter men oqýshylar otyrǵan mıkroavtobýs eń aldymen «Káýsar» sán salonyna kelip toqtady. Stýdentter onda salonnyń jumysymen tanysyp, kásipkermen jeke tildesti. Aıta ketý kerek, salon ıesi Dárııa «Bastaý bıznes» jobasy boıynsha bilim alyp, memlekettik granttyń ıegeri atanǵan. Kelesi aıaldama «Qalımash» kondıterlik sehy boldy. Bilimgerler onda ár túrli tátti ónimderdiń daıarlanýyn óz kózderimen baqylady. Sonymen qatar, jastar «Zeınep», «Tastanbekov B.T.», «Aqqý» jeke kásipkerlikterin aralap, jıhaz jasaý, qus jáne eshki sharýashylyǵynyń jumystarymen jaqyn tanysyp, úlken áserge bólendi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir