Tarıhı oryndarmen tanysty

Memleket basshysy Qasym-Jomart Toqaev oblysqa sapary barysynda óńirde týrızm ındýstrııasyn damytýdyń mańyzdylyǵyn eskerip, aımaq basshysy Asqar Myrzahmetovke Almaty, Túrkistan jáne Jambyl oblystaryn baılanystyratyn «Jańa Jibek joly» ekspedısııalyq marshrýtynyń týrıstik ınfraqurylymyn damytýdy tapsyrǵan bolatyn. Osy oraıda, ótken aptada «Jańa Jibek joly» týrıstik jobasy jan-jaqty talqylanyp, oblystaǵy týrıstik oryndaǵy aqparattyq týr uıymdastyryldy.

Atalǵan jıynǵa Almaty qalasy men Almaty oblysy, Shymkent qalasy men Túrkistan oblystarynyń týrıstik basqarmalary men atalǵan salaǵa qatysty qaýymdastyqtardyń ókilderi qatysty. Úsh kúnge sozylǵan sharanyń alǵashqy kúni Sh.Ýalıhanov atyndaǵy ortalyqtandyrylǵan ámbebap-ǵylymı kitaphanasynda press-brıfıng ótti. Onda oblystyq týrızm basqarmasynyń basshysy Qarlyǵash Aralbekova «Jańa Jibek joly» ekspedısııalyq marshrýty Qazaqstan aımaqtaryna jasalatyneń iri ekspedısııa ekendigin jetkizip, osy arqyly týrıstik klasterlerdi qamtı otyryp, mańyzdy tabıǵı nysandarǵa barý kózdelgenin sóz etti.

– Bul sharanyń maqsaty – jańa týrıstik baǵyttardy jasaý úshin tabıǵı, tarıhı, kıeli mekenderdi zertteý, ishki týrızm men ınfraqurylymdy damytý jáne týǵan eldi zertteý. Sondaı-aq ekspedısııa týraly materıaldar elimizdiń týrıstik destansııa retinde tanylýyna jáne halyqty ishki týrızmge tartýǵa yqpal etedi. Atalǵan sharanyń nátıjesinde elimizdiń tabıǵı nysandary boıynsha týrıstik baǵyttar, sapaly foto-vıdeobankter qurylady. Olardyń qazirgi jaǵdaıy týraly aqparattar alynyp, jolnusqa jasalatyn bolady. Aıta keterligi, Qytaıdyń Sınszıan-uıǵyr avtonomııalyq aýdanynan bastalatyn ekskýrsııa Almaty oblysyn qamtyp, bizdiń oblys arqyly ótedi. Odan keıin óńirdiń tarıhı-mádenı orynldarynyń barlyǵyn aralap, marshrýt Túrkistan oblysynda jalǵasady. Sapar О́zbekstan respýblıkasynda máresine jetedi, – dedi Qarlyǵash Ámirqyzy.

Munan soń ár oblystan jıylǵan týrıstik sala ókilderi «Jańa Jibek joly» ekspedısııalyq marshrýtyn Almaty, Túrkistan jáne Jambyl oblystarynda damytýdyń joldaryn talqylady. Ondaǵy ınfraqurylymdar men týrısterge jasalatyn jaǵdaıdyń jaı-japsaryn talqylady. Aıta keterligi, bizdiń óńirden atalǵan marshrýtqa 18 tarıhı-mádenı oryn kirip otyr.

Ekspedısııanyń negizgi sharasynan soń Taraz qalasynyń aýmaǵyna ekskýrsııa uıymdastyryldy. Týrıstik sala ókilderi «Kóne Taraz» arheologııalyq parki, Dáýitbek kesenesi, Erte Islam dáýirindegi meshit, Qazaq handyǵyna 550 jyl, Aısha bıbi jáne Babadja hatýn kesenelerinde boldy. Sondaı-aq Jýaly aýdanyndaǵy Teris ashybulaq sý qoımasy men Qaralma taý-shańǵy bazasy, «Bıtıan» qalashyǵy men Kóksaı shatqalynda bolyp, týrıstik áleýetterine kóz jetkizdi.

Úsh kúnge sozylǵan ekskýrııanyń qalǵan eki kúninde qatysýshylar T.Rysqulov, Merki, Shý jáne Qordaı aýdandaryndaǵy tarıhı-mádenı eskertkishtermen tanysty. О́z kezeginde sala mamandary jasalynýy tıis jumystarǵa toqtalyp, usynystaryn bildirdi.