• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:42:11
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jyl sońyna deıin 65 medısınalyq nysan paıdalanýǵa beriledi

Qazaqstan Respýblıkasynń Ata Zańynda memleketimizdiń basty kapıtaly – onyń azamattary ekeni anyq jazylǵan. Bul rette, qazaqstandyqtardyń densaýlyǵyn saqtaý, ómir súrý sapasyn jaqsartý men jasyn uzartý maqsatynda josparly jumystar júrgizilýde. Bul rette, turǵyndardyń densaýlyq saqtaý nysandarymen tolyq qamtylýy asa mańyzdy. Bul rette Jambyl oblysynda medısınalyq nysandardyń qurylysy qarqyndy júryp jatyr.

Atap aıtar bolsaq, qazirgi ýaqytta aımaqta 65 alǵashqy medısınalyq-sanıtarlyq kómek kórsetý nysandarynyń qurylysyn júzege asyrý sharalary jalǵasýda. Bul jobalardyń jalpy quny 2,013,7 mln.teńgeni quraıdy. Onyń ishinde, medısınalyq pýnktterge 26 mln.teńge, feldsherlik-akýsherlik pýnktterge 30 mln. teńge, dárigerlik ambýlatorııalarǵa 35 mln.teńge bólingen. Aıta keter jaıt, bul qarajatqa ǵımarattardy satyp alý ádisimen, josparǵa sáıkes, medısınalyq nysandar jyl sońyna deıin paıdalanýǵa berilip, medısınalyq uıymdardyń ǵımarattaryna qajettilik qanaǵattandyrylatyn bolady.

Sonymen birge, ótken jyly oblysta 200 tósektik oblystyq onkologııalyq dıspanser ǵımaratynyń qurylys bastalǵan bolatyn. Qurylys jumystarynyń jalpy quny 13,9 mıllıard teńgeni quraıdy.

Budan bólek, «Aýyl – el besigi» joba aıasynda Baızaq aýdandyq ortalyq aýrýhanasynda kúrdeli jóndeý, aǵymdaǵy jóndeý jumystary júrgizilip, aıaqtaldy. Sonymen qatar, Shý aýdanyndaǵy Eńbekshi jáne Jańa jol dárigerlik ambýlatorııasyna kúrdeli jóndeý jumystary júrgizilip, aıaqtaldy.

Baızaq aýdanynda 250 kelýshige arnalǵan emhana qurylysy respýblıkalyq bıýdjetten boljamdyq quny – 2,084 mlrd.teńgeni qurap, pılottyq jobanyń jol kartasyna engizildi. Qurylys jumystarynyń merzimi 2022-2023 jyldar aralyǵynda júrgizilý josparlanǵan.

Sondaı-aq, Qordaı aýdanynda 250 kelýshige arnalǵan emhana salynbaq. «Densaýlyq saqtaý obektilerin salý» jol kartasyna sáıkes qolǵa alynǵan jumysqa jobalaý smetalyq qujatyn daıyndaý úshin jergilikti bıýdjet esebinen 22,4 mln.teńge bólindi. Júrgizilgen jumystar nátıjesinde merdiger anyqtalyp, jobalaý smetalyq qujattama memlekettik saraptamaǵa tapsyryldy. Sonymen qatar, 270 oryndyq aýrýhana qurylysyn júrgizýge jobalaý smetalyq qujattamasyn daıyndaý úshin qarasha aıynda bıýdjetti naqtylaý barysynda qarjy qarastyrý josparlanýda. Atalǵan emhana jáne aýrýhana qurylysynyń boljamdyq quny 9,2 mlrd.teńgeni quraıdy.

Shý aýdanynyń ortalyq aýdandyq aýrýhanasyna emhana ǵımaratyn japsarlas salý «Aýyl – el besigi» jobasymen júzege asyrylýda. Iske asyrylý merzimi 2019-2020 jyldar aralyǵy. Smetalyq quny 304,3 mln. teńge.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir