• USD 389.52
  • EUR 429.21
  • RUB 6.07
  • CNY 54.94
29 Qańtar, 22:14:06
Qazaqstan Ýkraınanyń saýda naryǵyna alańdaýly

21 Qazan, 2019 NEWS

ShQO-da bıznesti jemqorlyqtan qorǵaý jobasy týraly aıtyldy

 

Aımaqttyq kommýnıkasııalar qyzmetinde ótken brıfıngte ShQO boıynsha jemqorlyqpen kúres departamenti basshysynyń birinshi orynbasary Jiger Baıdıldın bıznes pen ınvestısııany jemqorlyqtan qorǵaý jobasy týraly aıtyp berdi.

«Protecting Business and Investments» jobasy 2018 jyly qolǵa alyndy. Bul Qazaqstan Respýblıkasynyń sybaılas jemqorlyqqa qarsy is-qımyl agenttigi men QR Investısııalar jáne damý mınıstrliginiń birlesken jobasy. Elimizdegi barlyq óńirde arnaıy front keńseler ashylǵan.

Jiger Baıdıldınniń aıtýynsha, Shyǵys Qazaqstanda osy joba aıasynda «Shyǵys – Adaldyq alańy» front keńsesi jumys isteıdi. Atalmysh jobanyń músheleri jemqorlyqpen kúresý úshin kásipkerlerdiń bıznes jobalaryn qorǵaýǵa, tıisti qujattaryn jınaýǵa kómek kórsetedi. Mundaǵy basty maqsat – jaıly ınvestısııalyq orta quryp, bıznesmender men memlekettik organdar arasyndaǵy senimdilikti nyǵaıtý. Kásipkerlerdiń múddesin qorǵap, osy salada týyndaǵan barlyq máseleni jedel sheshý. Kásipkerlerge qoıylatyn eń basty talap – jemqorlyqtyń aldyn alý. Front keńseniń qyzmetine júginý úshin kásipker men departament qyzmetkerleri kelisimshartqa otyrady. Soǵan sáıkes agenttik mamandary memlekettik qyzmetter men quqyqtyq-normatıvtik qyzmetterdi der kezinde alýǵa kómek beredi.

Búginde ShQO boıynsha 24 bıznes sýbektisi ShQO boıynsha jemqorlyqpen kúres departamentimen kelisimshartqa otyrǵan. Aıta keteıik, front keńsemen kelisimge qol qoıǵan kásipkerler osy kúnge deıin oblys bıýdjetine 145 mlrd teńge kóleminde jalpy ınvestısııa quıǵan.

Joba júzege asyrylǵaly beri bıznes salasynda oń ózgerister baıqalady.

– Bizdiń keńseniń qyzmetine "PROMOTHOD KAZAHSTAN" JShS-niń dırektory júgindi. Aıtýynsha, ShQO tabıǵı resýrstar jáne tabıǵat paıdalanýdy retteý basqarmasy memlekettik ekologııalyq saraptamanyń qortyndysyn berýden bas tartypty. Budan soń bizdiń qyzmetkerler tekserý jumystaryn júrgizip, eki jaqty kelisimge keltirdi, – dedi Jiger Baıdıldın.

Aıta keteıik, osy joba aıasynda 18 kásipker men ınvestordyń quqyǵy qorǵaldy. Aldaǵy ýaqytta osy jumystary jalǵasyn tappaq.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir