Sýdıa para alǵany úshin sottaldy

Jańaózende qalalyq sottyń sýdıasy para alǵany úshin sottaldy, – dep Qamshy.kz aqparat agenttigi habarlaıdy, Mańǵystaý oblysynyń sybaılas jemqorlyqqa qarsy qyzmetine silteme jasap.

 Hattamanyń málimetine súıensek, Jańaózen qalalyq sotynyń sýdıasy A.S.Seılhanovaǵa jáne qala ákimdiginiń TKSh bas mamany A.E. Aqnazarovqa qatysty sybaılas jemqorlyq qylmys jasady degen kúdik boıynsha sotqa deıingi tergeý aıaqtaldy.

Derekkózde, Seılhanova Jańaózen qalalyq jer qatynastary bóliminiń talap aryzyn qaraýsyz qaldyrý týraly ókim shyǵarǵany úshin Aqnazarov A.E. arqyly 500 myń teńge kóleminde para aldy degen kúdikke ilingen. Atalǵan faktini sybaılas jemqorlyqqa qarsy qyzmet ishki qaýipsizdik jáne Joǵarǵy Sottaǵy sybaılas jemqorlyqtyń aldyn alý bólimimen birlesip anyqtady.

 Qylmystyq is boıynsha Aqtaý qalalyq sotynyń úkimimen Seılhanova sottalyp, 3 jyl merzimge bas bostandyǵynan aıyrý jazasy taǵaıyndaldy. Odan ózge sot úkimimen Aqnazarov ta sottalyp, 1 jyl bas bostandyǵynan aıyrý jazasy belgilendi. Sondaı-aq sottalǵandardyń memlekettik qyzmette laýazymdy qyzmetpen aınalysý quqyǵynan ómir boıyna aıyrylǵany jazylǵan.