• USD 389.52
  • EUR 429.21
  • RUB 6.07
  • CNY 54.94
13 Jeltoqsan, 18:07:23
Qazaqstan Ýkraınanyń saýda naryǵyna alańdaýly

20 Qazan, 2019

«Bereke birligińde, Elim» atty respýblıkalyq aqyndar aıtysy uıymdastyryldy

Nur-Sultan qalasyndaǵy «Astana» konsert zalynda «Bereke birligińde, Elim» atty respýblıkalyq aqyndar aıtysy ótti. Elbasynyń «Bolashaqqa baǵdar: Rýhanı jańǵyrý» baǵdarlamasy aıasynda «Nur Otan» partııasynyń tikeleı qoldaýymen, Nur-Sultan qalasy ákimdiginiń uıymdastyrýymen  ótken dúbirli dodaǵa Erkebulan Qaınazar, Aspanbek Shuǵataev, Jansaıa Mýsına, Serikzat Dúısenǵazy sııaqty tanymal aqyndar bastaǵan on alty aıtysker qatysyp, baq synady.

Alaman aıtysty ádettegideı belgili aqyn, aıtys óneriniń janashyry Júrsin Erman júrgizdi.

«Nur Otan» partııasy Tóraǵasynyń Birinshi orynbasary Baýyrjan Baıbek pen Nur-Sýltan qalasynyń ákimi Altaı Kólginov aıtysty zalda halyqpen birge otyryp tamashalady. Sonymen qatar, ulttyq ónerdi tamashalaımyz dep kelgen kórermen 1800 oryndyq zalǵa lyq toldy. Jurtqa tanymal ot tildi, oraq aýyzdy on alty aqyn eldiń birligi men berekesin, yrys pen yntymaǵyn, Táýelsizdik alǵannan bergi jetken jetistigin maıyn tamyza jyrlap, halyqtyń mereıin tasytyp, qoshemetine bólendi.

«Nur Otan» partııasynyń negizgi maqsaty - halyqpen birge bolý, eldiń ál-aýqatyn jaqsartý. Jurtpen tyǵyz baılanys ornatý. Sondyqtan aıtys negizgi máselelerdi sheshý jolynda qundy qural dep esepteımin. Halqymyzda «Sheshen kóptiń tiregi, aqyn eldiń júregi» degen ataly sóz bar. Sol sebepti osy sahnadaǵy aqyndardyń júreginen shyqqan sóz halyqtyń da júregine jetedi. Biz «Nur Otan» partııasynyń tarapynan Elbasy aıtqandaı, halyqqa jaqyn ekenimizdi kórsetip, osyndaı kóne zamannan kele jatqan dástúrimizdi qoldaımyz.
Bizdiń maqsat - eldiń rýhyn kóterý. Árıne, syn aıtylý kerek. Biraq barshamyzǵa ortaq mindet - memlekettigimizdi ustap qalý. Sondyqtan bir-birimizdi qoldaıyq, birligimizdi qorǵaıyq. Aıtys óneri jasaı bersin,- dedi Baýyrjan Baıbek.

Baýyrjan Baıke

«Nur Otan» partııasynyń qoldaýymen
buǵan deıin Qazaqstannyń tórt qalasynda, ıaǵnı Atyraý, Qostanaı, Almaty, Qaraǵandy qalalarynda aıtys ótken edi. Al jyldyń qorytyndy aıtysy, ıaǵnı «Altyn dombyra» aıtysy Oral qalasynda ótedi dep josparlanýda.

Qoǵam qaıratkeri, fılologııa ǵylymdarynyń doktory, akademık Myrzataı Joldasbekov tóraǵalyq etken quramy toǵyz adamnan turatyn qazylar alqasynyń sheshimimen aıtystyń ekinshi aınalymyna alty aqyn shyǵyp sóz saıystyrǵan bolatyn. Qazylar alqasynyń uıǵarymymen Bas báıgeni nursultandyq Erkebulan Qaınazarov ıelendi (2 000 000 teńge), birinshi orynǵa oraldyq Talǵat Myqı laıyq dep tanylsa (1 500 000 teńge), ekinshi oryndy nursultandyq Bekzat Asqarov pen oraldyq Jansaıa Mýsına ıelendi (árqaısy 1 000 000 teńgeden). Al, Baıanaýyldyń aıtýly jyraý-aqyny Aspanbek Shuǵataev pen Túrkistan oblysynan kelgen Qalıjan Bildáshev úshinshi oryndy qanjyǵalaryna baılady (árqaısy 500 000 teńgeden).

 

Aıtyp

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir