• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:30:32
Qazaqstan Ýkraınanyń saýda naryǵyna alańdaýly

19 Qazan, 2019 Aımaqtar

Baızaqta baıandy bastamalar bar

Elbasy Jarlyǵymen bekitilgen "Jastar jylynda" Jambyl oblysynyń Baızaq aýdanynda da atqarylyp jatqan jumystar aýqymdy.

Búgingi kúni aýdanda jalpy turǵyndar sany 105827 bolsa, onyń 25 365-i 14 pen 29 jas aralyǵyndaǵy jastardy quraıdy, nemese 24,4 paıyz. Memlekettik jastar saıasatynyń tıimdi iske asyrylýyna jaýapty «Jastar resýrstyq ortalyǵy» mekemesin qarjylandyrý jyl saıyn ósýde. 2017 jyly 26,8 mıllıon teńge qarastyrylsa, ótken jyly - 39,6 mıllıon teńge, aǵymdaǵy jyly 44,4 mıllıon teńge qarastyryldy. Ortalyqta jalpy 25 maman qyzmet atqarady. О́ńirde jastar saıasatyn júrgizýge memlekettik áleýmettik tapsyrysqa 1 mıllıon teńge bólindi.

Sonymen qatar, barlyq aýyldyq okýrgterde jas tolqynmen jumys júrgizetin arnaıy mamandar qamtylǵan. Olar tolyqtaı materıaldyq-tehnıkalyq bazamen qamtylyp otyr. «Jastar resýrstyq ortalyǵy» qyzmetkerleriniń áleýmettik lıftimen joǵarylaýy negizinde memlekettik qyzmetke 15 adam aýysyp, qyzmet atqarýda. Búginde aýdan boıynsha jas memlekettik qyzmetkerler sany 46 adamdy quraıdy.

Al, jastar arasynda jumyssyzdyq deńgeıin tómendetý baǵytynda túrli formattaǵy sharalar, onyń ishinde "Keńes berý alańdary" jumys jasaýda.

Sonymen qatar «Dıplommen aýylǵa» baǵdarlamasy aıasynda 10 jas kóterme járdemaqymen, 2 jas turǵyn úı alý úshin nesıemen qamtylypty.

Sondaı-aq, «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldar aralyǵyndaǵy «Eńbek» baǵdarlamasy aıasynda óz isin ashatyn 29 jasqa deıingi azamattarǵa qaıtarymsyz granttar berý boıynsha jumystar atqarylýda. Búgingi tańda jumyspen qamtý ortalyǵyna tirkelgen 117 úmitkerdiń jeteýi «Bastaý –Bıznes» jobasy, al úsheýi qysqa merzimdi úsh aılyq kásiptik oqýdy bitirip, arnaıy sertıfıkat alǵan, jobalary daıyn. Bul baǵyttaǵy jumystar jalǵasyn tabatyn bolady.

Jastar jylynda Báıterek aýyldyq okrýginde ashylǵan jańa saıabaq ishinen "Jastar alleıasyn" ashý josparlanýda eken.

Aýdanda jastardy tárbıeleý, «Eriktiler mektebi» jobasy aıasynda volonterlardy aýdandaǵy áleýmettik jaǵdaıy tómen otbasylarǵa «Jan jylýy» atty aksııasyn jyl boıynda ótkizý de turaqty túrde uıymdastyrylmaq. Búgingi kúnge deıin aksııa aıasynda kóptegen kómek kórsetilipti.

Jastardyń jaǵdaıyna tıimdi taldaý jasaý maqsatynda, jastar tólqujaty daıyndalyp jáne únemi jańartylyp otyrady. Pasportta jastardyń negizgi damý baǵyttary boıynsha statıstıkalyq kórsetkishter men aqparatty-analıtıkalyq materıaldar kórsetilgen. Bul jastar salasyndaǵy jumysty jetildirýge jáne túıindi máselelerdi sheshýge kóp kómegin tıgizedi.

Qazaqta «Jas kelse – iske» degen sóz bar. Aqyldy tehnologııa zamanynda aqyl da, tyń ıdeıa da jastardan shyǵady. 2019 jyly óziniń tıimdiligin kórsetken jáne jastarmen meken-jaılyq jumysqa baǵyttalǵan jobalardy júzege asyrý josparlanýda. Atap aıtar bolsaq, jumyspen qamtýǵa járdemdesý jáne ornalastyrý, jastar kásipkerligin damytý, jastardyń bos ýaqytyn uıymdastyrý sııaqty uzaq merzimdi jobalar júzege asyrylatyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir