• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:24:58
Qazaqstan Ýkraınanyń saýda naryǵyna alańdaýly

19 Qazan, 2019 Aımaqtar

Aýyzsýmen qamtýda alǵa jyljý bar

Infraqurylymdy damytý-Memleket basshysy Q.Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Joldaýynda aıqyndalǵan mindettiń biri. Bul turǵyda Prezıdent «Elimizdiń ár aımaǵynyń turǵyndarynyń taza aýyz sýǵa, tabıǵı gazǵa, kólik ınfraqurylymyna qol jetkizý deńgeıi birkelki emes ekeni belgili.

Osy teńsizdikti joıý úshin jumysty jandandyrý qajet.

Elbasynyń tapsyrmasy boıynsha «Saryarqa» gaz qubyrynyń magıstraldy jelisiniń birinshi kezektegi qurylysy aıaqtalyp keledi.

Kelesi jyly Nur-Sultan qalasynda jáne Qaraǵandy, sodan soń Aqmola men Soltústik Qazaqstan oblystarynda taratý jelilerin salý jumystary bastalady.

Memleket osy maqsatqa sáıkes 56 mıllıard teńge bólip otyr. Nátıjesinde 2,7 mıllıonnan astam adam tabıǵı gazben qamtamasyz etiletin bolady.

Aldaǵy úsh jyl ishinde turǵyndardy taza aýyz sýmen jáne sý jetkizýmen qamtamasyz etýge shamamen 250 mıllıard teńge bólinedi» dep atap kórsetken bolatyn.

Bul baǵytta Jambyl oblysynda da naqty jumystar atqarylyp, nátıjesin berýde. Bıyl qala mańyndaǵy 7 eldi meken ortalyqtandyrylǵan aýyz sý júıesine qosylady dep josparlanýda. Qazirgi tańda ol boıynsha jobalyq smetalyq qujattar daıyndalyp jatyr. Oblys ákimdiginiń energetıka jáne turǵyn-úı kommýnaldyq sharýashylyq basqarmasynyń basshysy Nurlan Aldamjarovtyń aıtýynsha, júıeli jumystar kóp uzamaı óz jemisin beredi.

Statıstıkalyq málimetterge súıensek, búginde Taraz turǵyndarynyń toqsan paıyzy taza aýyz sýdy paıdalanyp otyr. Jyl sońyna deıin josparlanǵan jeti eldi mekendegi qurylys aıaqtalsa, qala tolyq taza aýyz sýmen qamtylady. Osy jumystardyń nátıjesimen respýblıka reıtıngisinde óńir kórsetkishin kóterýge de múmkindik týmaq.

Jalpy, oblys boıynsha ortalyqtandyrylǵan aýyz sýmen qamtylǵan 199 eldi meken bar. Al ondaǵy 130 myń otbasy áli de sýdy syrttan tasymaldap otyr. Osy oraıda aımaq basshysy Asqar Myrzahmetov bul turǵyndardy 100 paıyz tolyǵymen júıege qosý kerektigin basa aıtyp, naqty tapsyrmalar júktegen bolatyn. Búginde bul baǵytta ilgerileý bar. Sonymen qatar Joldaý júktegen mindetterge sáıkes, jańa jobalar da jandanǵaly tur.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir