• USD 468.56

  • EUR 497.56

  • RUB 7.3

  • CNY 67.18

29 Naýryz, 02:57:35
Almaty
+35°

Qymbatshylyq qos búıirden qysqan shaqta qarapaıym halyq úshin qysqy azyq-túlikti qamdaý ózekti másele. Qyr astyndaǵy qysty qamsyz ótkerý úshin qarapaıym halyq bazarǵa aǵylatyny belgili. Ondaǵy baǵanyń da ońtaıly sátte paıdalanyp birneshe esege ósip shyǵa keledi. Osy oraıda oblys ortalyǵy Taraz qalasyndaǵy halyq tutynatyn negizgi azyq-túliktiń baǵasyn turaqtandyrý maqsatynda ár senbi saıyn kommýnaldyq bazarda aýyl sharýashylyǵy ónimderiniń jármeńkesi uıymdastyryla bastaldy, dep jazady Qamshy.kz aqparat agenttigi. 

Bul jármeńke endi ár senbi saıyn 1 jeltoqsanǵa deıin turaqty túrde uıymdastyrylatyn bolady. Jármeńkeniń alǵashqy kúninde kommýnaldyq bazar sóresine Baızaq, Qordaı, Talas aýdandary men Taraz qalasynyń aýyl sharýashylyǵy taýar óndirýshileriniń jáne turaqtandyrý qorynyń taýarlary shyǵaryldy. Jalpy quny 11,7 mıllıon teńge bolatyn 53,8 tonna aýyl sharýashylyǵy ónimderine degen halyqtyń suranysy óte joǵary. Sondyqtan da bolsa kelse sharýalar ala kelgen 4,7 tonna et pen 1,3 tonna sún ónimderi, 1,3 tonna balyq pen 1 tonna shujyq ónimderi tolyǵymen derlik ótip ketti. Sondaı-aq 2 myń dana jumyrtqa, 0,3 tonna bal, 0,4 tonna kondıterlik ónimder men 1 tonna makaron ónimderi, 0,1 tonna tuz jáne 41,6 tonna jemis-jıdek pen kókónis ónimderine degen suranystyń da óte joǵary bolǵanyn atap ótý kerek. Halyqqa naryq baǵasynan áldeqaıda arzan baǵada taýaryn ótkizetin jármeńke aldyn ala bekitilgen kestege saı aýdandar bólinisinde ótedi. Kelesi aptada tarazdyqtar men jaqyn mańdaǵy oǵan jaqyn eldi meken turǵyndary Jambyl, Sarysý, T.Rysqulov, Shý aýdandary men Taraz qalasynyń aýyl sharýashylyǵy taýar óndirýshileriniń jáne turaqtandyrý qorynyń taýarlaryn saýdalaıtyn bolady. О́z kezeginde tutynýshynyń qaltasyn qaqpaıtyn baǵada talǵamyna saı taýar usynylatyn jármeńkeniń tıimdiligin jambyldyqtar alǵashqy kúnnen baıqap ta úlgerdi.

Jármeńke qarapaıym halyq úshin qystyń qamyn qoljetimdi baǵada qamdaýdyń bir joly bolsa, kúzgi-jıyn terim naýqanyn aıaqtaǵan sharýalar úshin óz ónimderin saýdalaýdyń múmkindigi ekenin de aıta ketken jón. Oǵan qosa óz taýaryn deldaldyqqa urynbaı bekitilgen baǵada satý da sharýalar úshin paıdaǵa kenelýdiń bir joly ekeni aıtpasa da túsinikti. Ári sharýalarǵa óz ónimderin satýǵa laıyqty alań usynylýy da óńirde kásipkerlikke keń óris ashýdyń qamy ekeni málim.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir