• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:19:24
Qazaqstan Ýkraınanyń saýda naryǵyna alańdaýly

19 Qazan, 2019 Aımaqtar

Lısenzııa laıyqtylarǵa ǵana beriledi

Jambyl oblysynda sáýlet, qala qurylysy jáne qurylys salalarynda qyzmet kórsetý úshin lızensııa berý isi júıelene tústi. Oblys ákimdiginiń memlekettik sáýlet-qurylys baqylaý basqarmasymen óńirdegi lısenzıattardyń derekter bazasy quryldy. Nátıjesinde túrli kommersııalyq maqsatta lısenzııany jón-josyqsyz berýge shekteý qoıylmaq, dep jazady Qamshy.kz aqparat agenttigi. 

Oblys ákimdiginiń memlekettik sáýlet-qurylys baqylaý basqarmasymen 2015-2019 jyldar aralyǵynda 568 lısenzııa berilgen. Sonymen birge Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tarapynan berilgen lısenzııalardyń jalpy sany 479-ti quraıdy.

–Aǵymdaǵy jyl basynan beri basqarmaǵa sáýlet, qala qurylysy jáne qurylys salalarynda qyzmet kórsetý úshin lısenzııa alýǵa nemese qaıta rásimdeýge 150 ótinish tústi. Biz onyń nebári 22 paıyzyn qanaǵattandyryp, 34 zańdy tulǵaǵa lısenzııa berdik. О́tken jyly bul másele boıynsha bizge 222 ótinish tússe onyń 29 paıyzyn qanaǵattandyryp, 66 zańdy tulǵanyń tıisti qyzmetterdi usynýǵa qabiletti ekenin rastaldy. О́z kezeginde bul másele oblys ákiminiń tikeleı baqylaýyna alynyp, lısenzıattardyń derekter bazasy qurylyp, olarǵa turaqty túrde monıtorıng júrgizilýde. Monıtorıng barysynda bir óndiristik baza men bir tehnıkany 10 lısenzıattyń jalǵa alý faktisi de tirkeldi. Sondaı-aq lısenzıattardyń óndiristik bazasynyń mekenjaıyn jalǵan kórsetý faktileri baıqalady. Qurylystyń sapasyna áser etetin osy faktilerdi kórsetip, lısenzııa túrine qaraı óndiristik bazanyń kólemin, materıaldyq-tehnıkalyq jaraqtandyrylýdyń naqty quramyn belgileý jaıynda Qazaqstan Respýblıkasynyń Premer-mınıstriniń salalyq orynbasaryna, Indýstrııa jáne ınfraqurylymdyq damý mınıstrligine hat ta joldandy, –deıdi Oblys ákimdiginiń memlekettik sáýlet-qurylys baqylaý basqarmasynyń basshysy Qanat Aıtqulov.

Basqarma basshysy óńirdegi lısenzıattardyń derekter bazasy qurý nátıjesinde zańsyz lısenzııa berýdiń aldyn alý, salaǵa mamandanǵan lısenzıattardyń tolyq tizimin qalyptastyrý, sapasyz qurylysqa jol bermeý sharalaryna qol jetkiziletindigin aıtady. Munan ózge derekter bazasy arqyly tapsyrys berýshi sáýlet, qala qurylysy jáne qurylys salalarynda qyzmet kórsetetin kásiporynnyń joǵary bilikti ınjener-tehnıkteriniń jáne ákimshilik-óndiristik bazalarynyń bolýy, materıaldyq-tehnıkalyq jabdyqtalýy syndy málimettermen de jaqynyraq tanysa alady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir