Qurylys jumystaryn oryndaýdyń qaǵıdasy qatań saqtalýy kerek

Sońǵy jyldary Jambyl oblysynda qurylys jumystary qarqyn aldy. О́ńirdegi áleýmettik nysandarmen birge shahardyń kórkin ashatyn kelisti ǵımarattardyń da qurylysy júrgizilip jatyr. Turǵyn úıler kesheninen turatyn jańa shaǵyn aýdandar da boı kóterýde. Qurylystyń kólemine qaramastan quzyrly memlekettik mekemeler tıisti zańnamalar men normatıvtik talaptardyń buzylmaýyn qatań baqylaýda ustaıdy, dep jazady Qamshy.kz aqparat agenttigi. 

Qurylys júrgizýdiń zańdylyqtaryn eskermegenderge oblys ákimdigi memlekettik sáýlet-qurylys basqarmasymen tekserý jumystary júrgizilip, tıisti sharalar qoldanylady.

–Jyl basynan beri qurylys salasyndaǵy bekitilgen zańnamalar men normatıvterdiń talaptaryn zańǵa saı oryndamaǵany úshin 171 jaýapty tulǵa ákimshilik jaýapkershilikke tartyldy. Olarǵa 19 mıllıon 14 myń 516 teńge kóleminde aıyppul salynady. Qurylys zańdylyqtaryna negizinen tapsyrys berýshiler kóp kóz juma qaraıdy. Máselen jyl basynan beri tapsyrysty oryndaýshyǵa ózi qoıǵan talaptyń údesinen shyǵýdy mindettemegen 117 tapsyrys berýshi mekeme jaýapkershilik tartylyp, olar bul áreketteri úshin 11 mıllıon 231 myń 204 teńge kóleminde aıyppul tóleýge májbúr boldy, –deıdi oblys ákimdigi memlekettik sáýlet-qurylys basqarmasynyń basshysy Qanat Aıtqulov.

Sondaı-aq bıyl basqarma mamandary Taraz qalasymen Baızaq aýdanyndaǵy Sarykemer aýylynda zańsyz qurylys jumystarynyń júrgizilgenin anyqtady. Nátıjesinde nysan ıelerine 37 875 teńge –75 750 teńge aralyǵynda aıyppul salyndy.

Jalpy basqarma mamandary óńirde júrgizilip jatqan qurylys sapasyn zerdeleý onyń tıisti zańdylyqtar aıasynda atqarylýyn zerdeleý maqsatynda josparly tekserýlerge shyǵyp turady. О́tken jyly mamandar qurylys nysandaryna 150 josparly, 106 jospardan tys tekserý júrgizse jyl basynan beri 87 josparly, 76 jospardan tys tekserý bolǵan. Munan bólek oblys aýmaǵynda zańsyz, negizsiz, qujat qurylys jumystarynyń aldyn alý, múmkindiginshe boldyrmaý maqsatynda arnaıy is-sharalar jospary da bekitilgen. Oblys ákiminiń salalyq orynbasarynyń qolymen bekitilgen bul josparda tıisti zań talaptaryna kóz juma qaraǵandarǵa qarsy kúreste Taraz qalasy men aýdan ákimderiniń jaýapkershilikterine qaraý jaıy sóz bolady.