• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:38:33
Qazaqstan Ýkraınanyń saýda naryǵyna alańdaýly

19 Qazan, 2019 Aımaqtar

Zańsyz qurylysqa jol joq

Qurylys – ekonomıkadaǵy negizgi sektorlardyń biri. Belgilengen merzimde, bekitilgen talapqa saı tabysty aıaqtalǵan qurylys qaı turǵydan bolsyn halyqtyń kóńilinen shyǵyp, olardyń memlekettegi saıası júıege degen senimin nyǵaıta túsedi. Kerisinshe basynan daýy arylmaı, uzaq ýaqyt sozylǵan qurylys nysandary senimsizdik týyndata bastaıdy. Osy oraıda Jambyl oblysynda zańsyz, negizgi qujattarsyz, sapasyz qurylystyń jolyn kesý baǵytynda nátıjeli jumystar qolǵa alyndy. Bul jumystar oblys ákimdiginiń memlekettik sáýlet-qurylys baqylaý basqarmasymen ázirlengen is-sharalar josparyna saı júrgizilip keledi, dep jazady Qamshy.kz aqparat agenttigi. 

Atalǵan is-sharalar jospary 3 negizgi máseleni qamtıdy. Iаǵnı basqarma mamandary eń áýeli qurylys júretin jerge quqyqty ıelenbeı qurylys júrgizý faktisin anyqtap, olarǵa qarsy shara qoldanýdy qup kórip otyr. Esepti kezeńde Taraz qalasy men Baızaq aýdanynda mundaı 3 is tirkelip, nysan ıelerine qurylysty júrgizý qaǵıdattaryna kóz juma qaraǵany úshin 166 650 teńge aıyppul salyndy. Sonymen birge negizgi qujattarsyz qurylys júrgizýshilerdiń isi de basty nazarda. Qurylysty bastarda onyń jobalyq-smetalyq quny, saraptamasy, kelisimderi, habarlamalary syndy qujattaryn qunttamaǵandardy jaýapkershilikke tartylý kózdelgen. Esepti kezeńde álgindeı áreket boıynsha 86 is qaralyp, qurylysty júrgizýshilerge 8 mıllıon 745 myń 341 teńge kóleminde aıyppul salyndy. Memlekettik sáýlet-qurylys baqylaý basqarmasymen ázirlengen is-sharalar jospary sapasyz qurylysty boldyrmaý, aldyn alý, sharalar qoldanýdy qup kóredi. Mundaı jaǵdaıda qurylystyń sapasyz júrgizilgenin ańdaǵan tapsyrys berýshiler men aýdan, Taraz qalasynyń ákimdikteri tıisti materıaldardy memlekettik sáýlet qurylys baqylaý basqarmasyna usynady. Esepti kezeńdi osyndaı materıal boıynsha basqarma mamandary 58 zań buzýshylyqty anyqtady. Sáıkesinshe tıisti zańnamaǵa atústi qaraǵan qurylys kompanııalary men tapsyrys berýshilerden 7 mıllıon 562 myń 875 teńge aıyppul óndirildi.

Jalpy jyl basynan beri qurylysty júrgizý qaǵıdattaryn eskermegenderge 16 mıllıon 474 myń 866 teńge aıyppul salynǵan. О́tken jyly bul kórsetkish 12 mıllıon 177 myń 717 teńgeni quraǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir