"Qazfosfat" jaýapkershiligi shekteýli seriktestigine 20 jyl

Jambyl oblysyndaǵy eń iri kásiporyn sanalatyn «QazFosfat» jaýapkershiligi shekteýli seriktestigi óziniń qurylǵanyna 20 jyldyq mereıtoıyn joǵary deńgeıde atap ótti, dep jazady Qamshy.kz aqparat agenttigi. 

Saltanatty kesh oblys ortalyǵyndaǵy «Balasaǵun» konsert zalynda ótip oǵan seriktestiktiń qyzmetkerleri men ardagerler, oblystaǵy ónerkásip salasynyń mamnadary qatysty.

Osydan dál 20 jyl ýaqyt buryn fosfor óndirisin naryq zamanyna beıimdeý maqsatynda qurylǵan kommersııalyq qurylymnyń tarıhy tym tereńde. Alǵash ret 1946 jyly Sholaqtaý kenishinen barlanýymen bastalǵan Jambyl fosfor búginde álemniń 27 elinde úlken suranysqa ıe taýar túri sanalady. Birneshe óndiristik keshenderden turatyn seriktestik qazirdiń ózinde fosfor óniminiń 20 túrin óndiredi. «Qazfosfattyń» ónimin tutynýshylar qatarynda Eýropa, Azııa elderinen bólek Latyn Amerıkasy memleketteri de bar.

Qazir «Qazfsfat» jaýapkershiligi shekteýli seriktestiginiń oblys aýmaǵyndaǵy «Sholaqtaý» jáne «Qarataý» taý-ken óńdeý keshenderi, Jańa Jambyl fosfor zaýyty, mıneraldy tyńaıtqyshtar zaýyty, temirjol-kólik kesheni syndy 4 óndiristik nysanynda 6200 jambyldyq eńbek etedi. Zaýyt basshylyǵymen olardyń áleýmettik máselesi de kezeń-kezeńimen sheshilip keledi.

Jyl basynan beri seriktestik 108 mıllıard 100 mıllıon teńgeniń ónimin óndirgen. Bul ótken jyldyń esepti kezeńimen salystyrǵanda 35 paıyzǵa kóp. Alyp hımııa kesheni jyl sońyna deıin 147 mıllıard 100 mıllıon teńgeniń ónimin óndirýdi josparlap otyr. Jambyl fosforyn óndirip osynaý mol tabysqa kenelip otyrǵan seriktestik óńir ekonomıkasyna da aıtarlyqtaı paıda túsirýde. Sońǵy 12 jyl ishinde «Qazfosfat» jaýapkershiligi shekteýli seriktestigi oblys bıýdjetine 38 mıllıard 300 mıllıon teńge kóleminde salyqtyq túsim jasady.

1999 jyldan beri osy kásiporynnyń túrli qurylymdarynda basshylyq jasaǵan , «Qazfosfat» jaýapkershiligi shekteýli seriktiginiń bas dırektory Muqash Eskendirov 2015 jyly Qazaqstan Respýblıkasynyń Tuńǵysh Prezıdenti Nursultan Nazarbaevtyń Jarlyǵymen «Qazaqstannyń Eńbek Eri» atandy. О́z kezeginde, seriktestik ujymy bul marapatty respýblıkadaǵy hımııa ónerkásibiniń jetekshisi kásiporny sanalatyn «Qazfosfattyń» talaı jylǵy óndiristik eńbegine berilgen laıyqty baǵa dep sanaıdy.