• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:41:26
Qazaqstan Ýkraınanyń saýda naryǵyna alańdaýly

18 Qazan, 2019 Aımaqtar

Qyzmet kórsetý sapasy artýda

Temir joldyń basty tabys kózi – júk tasymaly ekeni jasyryn emes. Sondyqtan da osy baaǵyttaǵy jumystardy udaıy jandandyryp, baqylaýda ustaý – basty mindettiń biri. «Qazaqstan temir joly – Júk tasymaly» AQ Jambyl bólimshesiniń fılıalynda ótken kezekti basqosýdyń taqyryby osy baǵytta órbidi.

Bólimshe fılıalynda dırektordyń logıstıka jónindegi orynbasary A.Túsipovtyń tóraǵalyǵymen ótken jıynǵa avtomattandyrylǵan basqarý júıesi boıynsha dırektordyń orynbasary A.Bútinshıev, logıstıka jáne tasymaldy uıymdastyrý bóliminiń bastyǵy T.Raımov, «Qaztemirtrans» AQ Shymkent fılıaly tıeý, túsirý Jambyl bólimshesiniń bastyǵy B.Súleımenov, jyljymaly quramnyń aǵa lokomotıv dıspetcheri T.Saparbekov, Shaıqoryq, Asa, Býryl, Talas stansııalarynyń basshylary A.Myrzahmetov, N.Qazbekov, A.Seıtpenbetov, O.Orazbaqov pen tapsyrys berýshi mekeme ókilderi qatysty.

Kúntártibinde negizinen úsh másele qaraldy. Onyń birinshisi - № 245, № 118 telegraftyq nusqaýlarmen tanystyrý bolsa, ekinshi másele – 2019 jyldyń qyrkúıek aıyndaǵy júk tıeý josparynyń oryndalý barysy. Úshinshisi – jyl sońyna deıingi tıeletin júk kólemi jáne onyń oryndalýnyń kórsetkishteri.

Jıyn barysynda A.Túsipov aldymen telegraftyq nusqaýlarmen egjeı-tegjeıli tanystyryp ótti. Onan soń aǵymdaǵy jyly jóneltilgen júk kólemine keńinen toqtaldy:

– Bıylǵy 8 aıda biz jospardy 106,8 paıyzǵa artyǵymen oryndadyq. Atap aıtsaq, josparymyz 91 025 vagon nemese 6 043 000 tonna bolsa, biz 91 579 vagon, ıakı 6 129 891 tonna júk tıep, jónelttik. Bul – jospardan 554 vagonǵa, ıaǵnı 86 891 tonnaǵa, 2018 jyldyń kórsetkishinen 6 565 vagonǵa nemese 453 975 tonnaǵa artyq kórsetkish. Tıelgen júkterdi jekeleı alar bolsaq, 8 aı ishinde tas kómir 113 %, munaı 109 %, hımıkattar 112 %, óndiristik shıkizat 111 %, granshlak 132 %, qant 136 %, kókónis 133 %, tuz 322 %, sement 105 %, konteınerdegi júk 117 %, ózge de júkter 194 %-ǵa jetti.

Sońǵy 8 aı ishinde «Qazfosfat» JShS jospardaǵy 28 576 vagonǵa 1 816,7 myń tonnanyń ornyna 28 957 vagonǵa 1863,5 myń tonna hımııalyq tyńaıtqyshtar tıep, jóneltti. Osylaısha jospar 102,5 paıyzǵa artyǵymen oryndaldy. О́tken jyldyń osy ýaqyty aralyǵynda «Qazfosfat» JShS-nyń

hımııalyq tyńaıtqyshtary 2 587 vagonǵa, ıaǵnı 171,9 myń tonnaǵa, sáıkesinshe 113,5 paıyzǵa artyp otyr. Al «JSPK» JShS-nyń esepti merzimge josparlaǵany 1 072,9 myń tonna, ıaǵnı 15 231 vagon bolatyn. Mekeme jospardy 101,2 paıyzǵa artyǵymen oryndap, 15 445 vagon, ıaǵnı 1 085,7 myń tonna júk artyp, jóneltti. 2018 jyldyń osy aralyǵyndaǵy kórsetkishpen salystyrǵanda, bul biraq 1231 vagonǵa, 83,7 myń tonna sementke kem, - dedi baıandamasynda A.Túsipov.

Jıyn barysynda sondaı-aq, «Qazfosfat», «EvroHımQarataý», «TKSM-13», «Knaýf Gıps Taraz», «JPPK» JShS-teriniń ókilderi sóz alyp, jyl sońyna deıin tıeletin júk kóleminiń artatynyna sendirdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir