• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:19:10
Qazaqstan Ýkraınanyń saýda naryǵyna alańdaýly

18 Qazan, 2019 Aımaqtar

Jańa jobalardyń jemisi mol

Aǵymdaǵy jyl basynan ýaqytyly qabyldanǵan sharalardyń nátıjesinde Jambyl oblysynda ekonomıkanyń barlyq salalarynda ósý úrdisi baıqalýda. Bul árıne, Elbasynyń jáne Memleket basshysynyń tapsyrmasymen júzege asyp jatqan memlekettik baǵdarlamalardyń tıgizip jatqan sharapaty mol.

Oblys ákimdigi ekonomıka jáne bıýdjettik josparlaý basqarmasynyń basshysy Gúldana Jaýynbekovanyń aıtýynsha, bıylǵy jyldyń alǵashqy aılarynyń ózinde jalpy óńirlik ónim kólemi 301,4 mıllıard teńgeni qurap, 2,4 paıyzǵa ósken. Al qysqa merzimdi ekonomıkalyq ındıkator 103,8 paıyzdy qurady.

-Esepti kezeńde ónerkásip salasynda ótken jyldyń tıisti kezeńimen salystyrǵanda 4,3 paıyzǵa ósim bar. Iаǵnı, 308,7 mıllıard teńge kóleminde.

О́nerkásip salasyndaǵy ósim taý-ken ónerkásibinde óndiris kóleminiń – 1,5 paıyzǵa, óńdeý ónerkásibinde – 5,7 paıyzǵa, elektrmen jabdyqtaý, gaz, bý berý jáne aýa baptaýda – 0,9 paıyzǵa, sýmen jabdyqtaý, káriz júıesi, qaldyqtardyń jınalýyn jáne taratylýyn baqylaýda – 10,8 paıyzǵa artýy esebinen qamtamasyz etilip otyr,-deıdi basqarma basshysy.

Osy saladaǵy oń dınamıkaǵa ındýstrıaldy-ınnovasııalyq damý memlekettik baǵdarlamasy aıasynda iske qosylǵan kásiporyndar da óz úlesin qosýda.

Aǵymdaǵy jyly 693 jańa jumys ornyn qurýdy kózdeıtin jalpy quny 11,9 mıllıard teńgege 8 ınvestısııalyq joba iske asyrylýda. Onyń ekeýi eksportqa baǵyttalǵan. Atap aıtqanda «Bio Vit KZ» jaýapkershiligi shekteýli seriktestigi GMP jáne GLP standarttary boıynsha veterınarııalyq preparattardy óndiretin bıokombınat qurylysyn qolǵa alýda. Al, («GREENWILL» jaýapkershiligi shekteýli seriktestigi alǵashqy akvoponıka tehnologııasy negizinde salat daqyldary men balyqty óndirip óńdeýge basymdyq berýde.

Jyl basynan 1,1 mıllıard teńgege 2 joba iske qosylyp, 17 jańa jumys orny qurylǵan. Naqtyraq aıtqanda «Qordaı sút ónimderi», «GREENWILL» jaýapkershiligi shekteýli seriktestikteri jańa jobany jandandyryp, tyń bastamaǵa túren salyp otyr. Munyń barlyǵy da aımaq ekonomıkasynyń damýyna oń septigin tıgizetin tirlikter. О́ıtkeni, jańa jobalar júzege assa, jumys oryndary ashylady. Áleýmettiń áleýeti artyp qana qoımaı, qazyna qorjynyna túsetin salyqtyq túsimder de kóbeıedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir