• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:48:57
Qazaqstan Ýkraınanyń saýda naryǵyna alańdaýly

18 Qazan, 2019 Aımaqtar

Belbasar aýylynda sport kesheni salynýda

Elbasy N.Nazarbaevtyń buqaralyq sportty damytý týraly tapsyrmasy Jambyl oblysyndaǵy Shý aýdanynda da júıeli júzege asýda. Búginde atalǵan aımaqta turaqty túrde dene shynyqtyrý jáne sportpen shuǵyldanýshylar 30502 adamdy, ıaǵnı jergilikti halyqtyń 29,9 paıyzyn qurap otyr.

Búginde aýdandaǵy sport mektepterinde 1939 oqýshy tirkelgen. Al «Tarlan» sport keshenine jáne jekemenshik sport seksııalarǵa baratyndar sany 531 adamdy quraıdy.

Aýdandaǵy bilim mekemelerinde 477 ártúrli sporttyq seksııa jumys atqarady. Ol jerge 8639 bala qamtylǵan. Sonymen qatar aýdandaǵy 8 mektepten tys mekemede 145 sporttyq seksııa jumys atqarady. Olarǵa 2570 bala tartylǵan.

Jyl basynan beri Shý aýdany boıynsha barlyǵy 62 sporttyq is-shara ótkizilip, oǵan 14512 adam qamtylǵan. Sporttyq is-sharalar ishinen júıeli jáne aýqymdyraq ótkizilgender aýdandyq kóshe, aýla, zııatkerlik oıyndary festıvalderi, ulttyq sport túrleri boıynsha toǵyzqumalaq, kókpar oıyny men qazaq kúresinen «Qazaqstan Barysy» aýdandyq jarystary men aýyl jasóspirimderi jáne Halyq sporty oıyndarynan aýdandyq irikteý jarystaryn atap ótýge bolady.

Sonymen qatar, aýdan qurama komandalary oblystyq spartakıadalarǵa qatysyp joǵarǵy deńgeıde óner kórsetýde. Atap aıtatyn bolsaq, 2019 jyldyń 19-20 shilde aralyǵynda Taraz qalasynda ótken memlekettik qyzmetkerler arasyndaǵy oblystyq spartakıadada aýdan qurama komandasy joǵarǵy oıyn órnegin kórsetip 34 komandasynyń ishinde jalpy komandalyq júldeli orynǵa ıe boldy.

Turǵyndardyń buqaralyq sportpen shuǵyldanýǵa kol jetimdiligin arttyrý maqsatynda aýdanda 190 sport nysany qnaqtylanǵan. Atalǵan sport nysandardyń 90 paıyzy aýdandyq jalpy bilim beretin mektepterge tıesili.

Sport nysandarynyń barlyǵy derlik aýyl turǵyndaryna sportpen aınalysýyna qoljetimdi. Sport nysandarynyń aýyl turǵyndaryna qoljetimdiligin qamtamasyz etýdi uıymdastyrýdyń úlgilik erejesi aýdandyq dene shynyqtyrý jáne sport bólimimen ázirlenip bekitilgen.

Taǵy bir aıta keterligi, aýdanda keıingi jyldary jańa sport nysandarynyń qurylysy kóptep júrgizilýde. Solardyń biri Saýranbaevtar áýletiniń demeýshiligimen 2018 jyly Eskishý tirek aýyldyq okrýgi, Belbasar aýylynda jańadan soǵylýda. Sport nysanynyń qabyldaý múmkindigi - 200 oryndyq. Oǵan bólingen jer telimi- 0,26 gektar. Sport zaldardyń jalpy sany 4, onyń ishinde, 1 oıyn sport zaly, 1 kúres zaly, 1 boks zaly, 1 aýyr atletıka zaly. Nysannyń jobalyq smetalyq quny 550 mıllıon teńge. Nysannyń qurylys jumystary 2018 jyldyń 29 sáýirde bastalǵan bolatyn.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir