• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:47:42
Qazaqstan Ýkraınanyń saýda naryǵyna alańdaýly

18 Qazan, 2019 Aımaqtar

"Tarlannyń" tolaıym tabysy

Elbasy Nursultan Nazarbaev «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda: «Kásipkerlikti damytýǵa memleket-jekemenshik seriktestigi aıasyn keńeıtý zor múmkindik beredi. Bul asa mańyzdy jalpyulttyq mindetterdiń biri – 3-6 jas aralyǵyndaǵy balalardy mektepke deıingi bilim berýmen 2020 jylǵa qaraı júz paıyz qamtý máselesin memleket pen bıznes birlese sheship otyrǵanyn kórsetedi. Memlekettik-jekemenshik seriktestigi ınfraqurylymdy, sonyń ishinde áleýmettik ınfraqurylymdy damytýdyń negizgi tetigine aınalýǵa tıis» - dep atap kórsetken bolatyn.

Qazirgi kezde osynaý baǵdarlama aıasynda elimizdiń, onyń ishinde Áýlıeata óńiriniń túkpir-túkpirinde kóptegen áleýmettik jáne sporttyq nysandar boı kóterip, halyq ıgiligi úshin paıdalanýǵa berildi. Buǵan sońǵy jyldary oblysmyzdaǵy qarqyndy túrde damyp kele jatqan aýdandardan birqatar mysaldar keltirýge bolady. Sonyń aıǵaǵy – Shý aýdanynda memlekettik-jekemenshik áriptestik aıasynda boı kótergen bilim berý jáne sport salasyndaǵy nysandar. Aýdanda bul baǵytta júzege asa bastaǵan jobalardyń aıasy men arnasy arta túsken. Memlekettik múlikti senimdi túrde basqarýǵa berilgen nysandardyń basym bóligin mektepke deıingi bilim berý mekemeleri quraıdy. Sondaı-aq, 2016 jyldyń qazan aıynda Shý aýdanynda boı kótergen sporttyq nysan – «Tarlan» sport kesheni bar. Aıta ketý kerek, bul oblystaǵy memlekettik-jekmenshik áriptestik aıasynda salynǵan alǵashqy sport kesheni. Atalmysh nysannyń turǵyzylýyna tikeleı uıytqy bolǵan osy aýdannyń týmasy, Keńes Odaǵyna eńbegi sińgen jattyqtyrýshy Iýrıı Shaı. Jobalyq quny 480 mıllıon teńgeni quraǵan nysannyń qurylysy 2015 jyly bastalyp, araǵa bir jyl salyp Táýelsizdigimizdiń 25 jyldyq mereıtoıyna oraı paıdalanýǵa berildi. Ǵımarat sporttyq-saýyqtyrý blogy jəne jataqhanadan turady. Sonymen qatar, munda jattyǵý bólmesimen birge 1 boks, 2 aýyr atletıka jáne 1 kúres zaldary qyzmet kórsetedi. Budan bólek, keshenniń jataqhanasynda 25 adamǵa arnalǵan jatyn bólme men jeke ashanasy jáne monshasy bar. Oǵan qosa, keshenniń aýlasynan jasandy jamylǵyly fýtbol alańshasy men gımnastıkalyq alańdar da oryn alǵan. Ǵımaratta əkimshilik, medısınalyq pýnkt, ədistemelik, kıim aýystyrý jəne jýyný bólmeleri de qarastyrylǵan. Búginde munda 26 adam turaqty jumyspen qamtylypty. Olar sporttyń dzıýdo, taekvondo, boks jáne kúres túrleri boıynsha aýdandaǵy 350 jasóspirimdi sportqa baýlýda. Odan bólek, munda keshki ýaqyttarda 300-ge jýyq aýdan turǵyndary aqyly túrde sportpen shuǵyldana alady. 2016 jyly Qazaqstan boks federasııasy senimdik basqarý boıynsha «Tarlan» sport keshenin Jambyl oblysynyń boks klýbyna ótkizgen bolatyn. Al 2017 jyldyń aqpan aıynda nysandy Qazaqstan boks federasııasynan «Tarlan batyrlary» jaýapkershiligi shekteýli seriktestigine memlekettik-jekemenshik áriptestik aıasynda ótkizý-qabyldaý jumystary júrgizilip, nátıjesinde, «Tarlan» sport kesheni seriktestik menshigine tolyqtaı berilgen. Mine, sodan bergi bir jyl ishinde munda birneshe aýdandyq, oblystyq, respýblıkalyq jarystar uıymdastyrylyp, aýyldy jerdegi jasóspirimderdiń sportqa degen qulshynystaryn eseleı túsýge zor úles qosýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir