• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:30:06
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Alty aıda týrızm salasy alǵa basty

Jambyl oblysy ákimdigi ishki saıasat basqarmasy "О́ńirlik kommýnıkasııalar qyzmetiniń" aqparat alańynda Jambyl oblysy ákimdigi týrımz basqarmasynyń basshysy Aralbekova Qarlyǵash Ámirqyzynyń qatysýymen baspasóz konferensııasy ótti. Qarlyǵash Ámirqyzy Jambyl oblysyndaǵy týrızm basqarmasynyń sońǵy alty aıda atqarylǵan jumystary jaıly baıandap, jýrnalısterdiń suraqtaryna jaýap berdi.

Spıkerdiń aıtýynsha, oblysta 3 365 tarıhı-mádenı mura eskertkishteri ornalasqan, onyń ishinde 2 934 arheologııalyq, 111- tarıhı, 97 arhıtektýraly jáne t.s.s. Uly Jibek jolynyń boıynda ornalasqan 5 nysan IýNESKO-niń dúnıejúzilik muralar tizimine (Aqtóbe (Balasaǵun), Qulan, О́rnek, Aqyrtas jáne Qostóbe qalashyqtary), sol sııaqty 2 nysan Eýrazııa ekonomıkalyq yntymaqtastyq uıymynyń «Erekshe tartymdy týrıstik nysandar» tizilimine engizilgen («Aqyrtas» saraı kesheni jáne «Aısha bıbi» mavzoleıi), 5 qoryqsha-zakaznık («Berikqara», «Merki», «Ańdysaı», «Úmbet, «Qaraqońyz»), 6 sanatorlyq-saýyqtyrý mekemeleri, 10 balalar lagerleri ornalasqan.

Qazaqstannyń Almaty, Túrkistan, Shymkent qalasynyń 9 týrıstik kompanııalarymen «Ortaǵasyrlyq Tórtkól» kerýen saraıyda ornalasqan «Kóne Taraz sheberleri» qalashyǵymen tanysty. Qazirgi tańda Qyrǵystan jáne О́zbekstan memleketteriniń týrıstik kompanııalarymen jazǵy maýsymda Ystyqkólden týrısterdi «Kóne Taraz sheberleri» qalashyǵyna ákelý qarastyrylýda. Is-sharaǵa qazirgi tańda barlyǵy 5 565 adam tartylǵan. Olardyń 500-den astamy sheteldik týrıster (Germanııa, Italııa, Jańa Zelandııa, Japonııa, Bolgarııa, Qyrǵystan, Tájikstan, О́zbekstan jáne Reseı memleketterinen), al elimizdiń basqa oblystarynan 1800 týrıst qamtyldy.

Jambyl oblysy boıynsha jalpy uzyndyǵy 495 shaqyrymdy quraıtyn ara qashyqtyqta 9 jol boıǵy servıs keshenderiniń qurylysyn júrgizý oryndary aıqyndaldy. Qurylys jumystary 5 aýdandyq eldi mekenderdi qamtıtyn bolady (Qordaı, Merki, T.Rysqulov, Baızaq jáne Jýaly). Qurylysy júrgizilýi qajet 8 JSK-iń jobalary boıynsha 4-i «V» jáne 4-i «S» sanatqa sáıkes.

Talas Alataýynyń 3200 metr bıiktiginde ornalasqan, jobalyq quny 3 mlrd. 355 mln. teńgeni quraıtyn, «Qaralma» taý-shańǵy bazasy» jobasy júzege asyrylýda. Búgingi tańda qurylysqa 274 ga jer telimi bólinip, elektr qýatymen jabdyqtaý, gazofıkasııa men sý qubyryn júrgizý ınjenerlik kommýnıkasııalary ótetin jerleri anyqtaldy, avtojol qurylysy aıaqtaldy.

Tehnıkalyq sıpattamalary boıynsha arqandy joldyń uzyndyǵy 2050 metrdi quraıdy. Keshenniń quramyna 20 kottedj, 100 oryndyq 1 meımanhana, árqaısysy 70 oryndyq 2 meıramhana, 30 oryndyq kafe, baqylaý munarasy, qyzmet kórsetý ortalyǵy, 100 avtokólikke arnalǵan avtoturaq, basseın jáne basqa da saýda-oıyn-saýyq oryndary kiredi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir