Qaýipsizdik-basty nazarda

Strategııalyq nysan sanalatyn temirjol boıyndaǵy qaýipsizdik qashanda qyraǵy kúzette. Bıylǵy jyly Almaty oblysy, Aqseńgir-Shamalǵan temirjol ótkelindegi jaǵdaıdan keıin bolat joldyń boıyndaǵy tártip tipten kúsheıe túsken. Búgingi kúni «Qazaqstan temir joly» UQ» AQ-y fılıaly - Júk tasymaly – Jambyl bólimshesi men Jambyl magıstraldi jeli bólimshesine qarasty óńirde 74 temir jol ótkeli bar eken.

«Joǵaryda atap ótken ótkelderdiń qatarynda Býryl-Jańatas jáne Jambyl-Shý telimindegi temir jol ótkelderinde kúzet joq. Tek Jambyl oblysy ortalyǵyndaǵy eki-úsh ótkelde ǵana kúzet bar. Olar ótkel kúzetýshisi-kezekshi jáne «»Áskerılengen temir jol kúzeti» AQ-y Jambyl fılıalynyń sarbazdarymen kúzetiledi. Taraz qalasynda kólik júrgizýshileri úshin úlken másele týdyryp otyrǵan «Qarataý ótkeli», 5 shaqyrym – «Aýyl bereke» bazary men 11 shaqyrymdaǵy Asqarov kóshesiniń sońyndaǵy ortalyq bazarǵa baratyn ótkelder men Taraz qalasynyń irgesindegi Jambyl aýdanynyń ortalyǵy Asa aýylyndaǵy ótkel kúzetilmeıdi. Sondaı-aq, 28 shaqyrymdaǵy Jambyl-Talas baǵytyndaǵy ótkel men Qant zaýytyna baratyn ótkel kúzetiledi. Bul ótkelderdegi úlken másele – adamı faktor. Jaıaý júrginshiler kóp. Sol jaǵyn da eskerip otyrmyz. Al osy másele boıynsha «Qazaqstan temir joly» UQ» AQ-y basshylyǵy men Jambyl oblysynyń ákimdigine birneshe ret hat túsirdik. Áli tushymdy jaýap bolmaı otyr», – deıdi Jambyl magıstraldi jeli bólimshesi jol bóliminiń basshysy Ermek Musabekov.

О́tken jyly ǵana Júk tasymaly – Jambyl bólimshesiniń dırektory Berik Aqshalovtyń bastamasymen Jergilikti jol potýrldik polısııasynyń qyzmetkerleri kúz aılarynda birneshe ret reıd ótkizdi. Sol joly «Qarataý ótkeli», 5 shaqyrymdaǵy «Aýyl bereke» bazary men Asqarov kóshesiniń sońyndaǵy 11 shyqarymdaǵy ótkelderde júrgizýshilerge jol erejesin buzǵany úshin birneshe hattama toltyrylǵan.

Iıa, zańnyń aty-zań. Osy oraıda Baýyrjan Momyshulynyń «Tártipke bas ıgen qul bolmaıdy, tártipsiz el bolmaıdy» degen sózi oıǵa oralady. Eń bastysy bekitilgen erejeni qatań saqtaǵan abzal. Al temir jol salasynyń jaýapty mamandary bul baǵyttaǵy baqylaý sharalarynyń únemi basty nazarda bolatyndyǵyn aıtyp otyr.