• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:47:24
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Jalyndy jastar jemqorlyqqa qarsy

Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda sybaılas jemqorlyqpen kúres máselesi de qamtylǵany belgili. Rasynda da jeń ushynan jalǵasqan jemqorlyq tolyqqandy joıylmaı, qarqy damý bolmaıtyndyǵy sózsiz. Sondyqtan da bul baǵytta zań talaptary qatańdatylyp, aldyn alý sharalary da keń kólemde júrgizilýde. Ásirese, bilim berý uıymdarynda ótkizilgen sharalardyń mańyzy tereń. О́ıtkeni, egemen egimizdiń erteńgi senimdi tirekteri búgingi mektep partasynda otyr. Sol sebepten de óskeleń urpaqqa sybaılas jemqorlyqtyń zardaptary týraly únemi aıtylýy kerek.

Taraz temirjol kólik jáne kommýnıkasııa kolledjiniń májilis zalynda jáne oqý kabınetterinde stýdentterge arnalǵan "Adaldyq saǵaty" ótti. Sybaılas jemqorlyqqa qarsy is-qımyl agenttiginiń bastamasymen, Bilim jáne ǵylym mınıstrliginiń qoldaýymen uıymdastyrylǵan sharaǵa oqytýshylar quramy da belsene qatysty.

Basqosýda arnaýly bilim oshaǵynyń dırektory U.Kenjebaeva baıandama jasap, utymdy oılaryn ortaǵa saldy. «Bul oqý ordasyn támamdaǵan bilimgerlerdiń barlyǵy – erteńgi temirjolshylar. Jerdiń bir núktesinen ekinshi núktesine baratyn san myńdaǵan jolaýshynyń sol mezettegi taǵdyry – osy mamandyq ıeleriniń qolynda. Sondyqtan bul mamandyq kıesi adaldyq pen adamgershilikten ózgeni kótermeıdi. Iаǵnı, temirjolshy temirdeı tártipke baǵynyp, isine jaýapkershilikpen qaraýy tıis», - dedi kolledj jetekshisi.

Jıynǵa temir jol kollediniń ardager ustazy E.Gostev pen 1966 jylǵy túlegi jáne Jambyl oblysynyń qurmetti azamaty F.Klımenko da qatysyp, sóz sóıledi. Olar adaldyq, parasattylyq, ádildik jáne senim qundylyqtary taqyrybynda oı qozǵap, pikirlerin bildirdi. Ardagerler ózderiniń eńbek joldarymen stýdentterdi tanystyryp, adaldyqtyń bıik shyńy – aqyldylyq pen bilimpazdyq, mádenıettilik pen kóregendilik ekendigin atap ótti.

«Bul bilim ordasynan kóptegen sala mamandary túlep ushqan. Olardyń deni mamandyǵynyń maqtanyshyna aınalyp, uzaq jyldar temir jol boıynda ter tókti. Tipti, keıbiri óz kásibin ulyna amanattap, atadan balaǵa jalǵastyrǵany da bar. Sondyqtan da bul kásipti qasterli deýimiz kerek. Kóptegen adamdardyń baratyn jerine jetkizýdi moınyna alatyn bul kásip sondyqtan da adaldyqty súıedi», dedi qart ustaz.

Basqosý sońynda stýdentter qonaqtarǵa kókeılerindegi saýaldaryn qoıyp, jan-jaqty jaýaptaryn aldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir