Jambylda 446 adam qaıtarymsyz grant alǵan

«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń negizgi maqsaty-áleýmettiń áleýetin arttyrý, turǵyndardyń tabysyn eselep, turmysyn jaqsartý. Osy maqsatta Jambyl oblysynda ońdy ister júzege asýda. Búginde atalmysh baıdarlama aıasynda 2019 jylǵa barlyǵy 11,6 mıllıard teńge, onyń ishinde respýblıkalyq bıýdjetten 7,4 mıllıard teńge, jergilikti bıýdjetten 4,2 mıllıard teńge bólinip, ıgerilýde.

Atalmysh baǵdarlamanyń «Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý» atty 1-shi baǵyty aıasynda 2019 jyly barlyǵy 3883 adamdy oqytýǵa 1655,5 mıllıon teńge bólingen.

Al baǵdarlamanyń 2-shi baǵyty aıasynda barlyǵy 5284 adamdy qamtýǵa 7372,7mıllıon teńge qarjy qarastyrylǵan.

-Bul baǵyt aıasynda azamattar aldymen kásipkerler palatasy arqyly kásipkerlik negizderine oqytylady. Bıyl «Bastaý-Bıznes» jobasy boıynsha barlyǵy 1200 adamdy kásipkerlikke oqytý josparlanyp, jyl basynan 1208 adam oqýǵa joldanyp, 1054 adam oqýyn aıaqtap, onyń ishinde 137-i shaǵyn nesıe alsa, 75 adam qaıtarymsyz grant aldy. Budan bólek «Jas kásipker» jobasy boıynsha 575 adam oqýǵa joldanyp, 266-y oqýdy aıaqtap, 98-i qaıtarymsyz grant aldy.

Mıkrokredıt boıynsha aýyl men qalada barlyǵy 6147,6 mıllıon teńgeniń shaǵyn nesıesi 1301 adamǵa beriledi dep josparlanǵan.

Aǵymdaǵy jyldyń 1 qyrkúıegine aýylda 538 adam 2905,0 mıllıon teńgeniń shaǵyn nesıesin aldy.

Sonymen qatar, qalada 90 adamǵa nesıe berýge barlyǵy 1036,6 mıllıon teńge qaraldy. Nesıe qarajattary ekinshi deńgeıli bankter arasynda bólinip, nesıelendirý jumystary bastaldy. Qala boıynsha 59 adam shaǵyn 770,9 mıllıon teńge nesıe aldy,-deıdi Jambyl oblysy ákimdigi jumyspen qamtý jáne áleýmettik baǵdarlamalar basqarmasynyń basshysy Tımýrjan Nurymbetov.

Osy baǵyt aıasynda 1783 adam 889,5 mıllıon teńgeniń grantyn alýda. Sonyń ishinde 200 aılyq eseptik kórsetkish mólsherinde Jastar jylyna oraı 329 grantqa 166,1 mıllıon teńge jáne kóp balaly az qamtylǵan otbasylary úshin 611 grantqa 308,5 mıllıon teńge, ulttyq qordan 800 adamǵa 404,0 mıllıon teńge, 100 aılyq eseptik kórsetkish mólsherinde 43 grantqa 10,9 mıllıon teńge qarastyrylyp, ıgerilýde. Esepti merzimde barlyǵy 446 adam 214,6 mıllıon teńge qaıtarymsyz grant alǵan.