• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:02:14
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Baıypty baǵdarlamanyń buqaraǵa bereri mol

Memleket basshysy Q.Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda áleýmettiń áleýetin arttyrýǵa, turǵyndardyń turmys-tirshiligin jaqsartýǵa basa nazar aýdaryldy. Jurtshylyqtyń ómir súrý sapasyn arttyrý baǵytynda memlekettik baǵdarlamalardyń tıgizer sharapaty mol. Bul turǵyda Jambyl oblysynda da jemisti jumystar atqarylýda. Ásirese, oblys ákimdiginiń jumyspen qamtýdy úılestirý jáne áleýmettik baǵdarlamalar basqarmasy ıgi isterge uıytqy bolyp keledi.

Jalpy, basqarmanyń negizgi baǵyttarynyń biri - «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn» iske asyrý bolyp tabylady. Basqarma basshysy Tımýrjan Nurymbetovtyń aıtýynsha, «Eńbek» baǵdarlamasy aıasynda 2019 jylǵa barlyǵy 11,6 mıllıard teńge, onyń ishinde respýblıkalyq bıýdjetten 7,4 mıllıard teńge, jergilikti bıýdjetten 4,2 mıllıard teńge bólindi.

-2019 jyldyń 1-qyrkúıegine jumyspen qamtýdyń belsendi sharalaryna 22906 adam tartyldy, sonyń ishinde vakanttyq bos jumys oryndaryna - 8842 adam, qysqa merzimdi kásiptik oqýǵa 3081 adam, áleýmettik jumys oryndaryna - 1440 adam, jastar praktıkasyna 2108 túlek joldanyp, aqyly qoǵamdyq jumystarǵa 4609 jumyssyz tartyldy. 1208 adam «Bastaý-Bıznes» jobasymen kásipkerlik negizderine oqysa, «Jas kásipker» jobasy boıynsha 575 adam oqýǵa joldandy. Sonymen qatar 597 adam shaǵyn nesıe, 446 adam grant aldy,-deıdi basqarma basshysy.

Atalmysh baǵdarlamanyń «Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý» atty 1-shi baǵyty aıasynda 2019 jyly barlyǵy 3883 adamdy oqytýǵa 1655,5 mıllıon teńge bólingen.

Sonyń ishinde 770 adamdy kásiptik daıarlaýǵa 1108,7 mıllıon teńge qaralypty. Aǵymdaǵy jyldyń 1 qyrkúıeginen 770 adam oqýǵa joldanǵan.

Al qysqa merzimdi kásiptik oqytý kýrstarynda 3113 adamdy oqytý úshin 546,8 mıllıon teńge qaraldy. О́ńirlik komıssııa sheshimimen Tizilimge engen bilim uıymdary kesindisinde qysqa merzimdi kásiptik oqý ótetin mamandyqtar boıynsha oryndar bólindi, oqytý quny belgilendi. Oqytý 38 mamandyq boıynsha 37 bilim uıymdarynda ótedi. 1-shi qyrkúıekke qysqa merzimdik oqytýǵa 3081 adam joldanǵan. Oqýdy bitirgen 1755 adamnyń 464-i jumysqa ornalasty. Jyl sońyna deıin oqýyn aıaqtaǵandardyń keminde 60 paıyzyn jumysqa ornalastyrý mejelenip otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir