• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:09:50
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

"Eńbek" baǵdarlamasymen eńsesin tiktep jatqandar kóp

«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda Jambyl oblysynda jemisti jumystar atqarylýda.

Atalmysh baǵdarlamanyń «Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý» atty 1-shi baǵyty aıasynda 2019 jyly barlyǵy 3883 adamdy oqytýǵa 1655,5 mıllıon teńge bólingen.

Al baǵdarlamanyń 2-shi baǵyty aıasynda barlyǵy 5284 adamdy qamtýǵa 7372,7 mıllıon teńge qarjy qarastyrylǵan.

Sol sııaqty «Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý» atty Baǵdarlamanyń 3-shi baǵyty boıynsha 7002 adamdy qamtýǵa 2551,9 mıllıon teńge bólinip, ıgerilýde.

Osy baǵyt boıynsha Baǵdarlama aıasynda áleýmettik jumys oryndaryna barlyǵy 998 orynǵa 234,9 mıllıon teńge qaralypty. Esepti kezeńde áleýmettik jumys oryndaryna 1440 adam joldanyp, jumysyn aıaqtaǵan 230 adamnyń 123-i turaqty jumyspen qamtyldy. Sonymen qatar, jastar praktıkasyna barlyǵy 1844 orynǵa 675,5 mıllıon teńge qaraldy. Esepti kezeńde jastar praktıkasyna 2108 túlek joldanyp, jumysyn aıaqtaǵan 1046 adamnyń 508-i turaqty jumyspen qamtyldy.

Aqyly qoǵamdyq jumysqa 4160 adamdy tartýǵa jergilikti bıýdjetterden 1641,5 mıllıon teńge qarjy qaraldy. Esepti kezeńde qoǵamdyq jumystarǵa 4609 adam joldandy.

Sondaı-aq, «Eńbek resýrstarynyń utqyrlyǵyn arttyrý», ıaǵnı jumys kúshi tapshy óńirlerdi jumys kúshimen qamtamasyz etý maqsatynda Baǵdarlama sheńberinde óz erkimen qonys aýdarýǵa járdemdesý esebinen eńbek resýrstarynyń aýmaqtyq utqyrlyǵyn yntalandyrý qarastyrylǵan.

Baǵdarlamanyń bul baǵytyn halyq arasynda keń kólemdi túsindirý jumystary turaqty túrde júrgizilip keledi.

2019 jyldyń 1-qyrkúıegine soltústik óńirlerge 130 otbasy, 392 adam qonys aýdarypty. Onyń ishinde Pavlodar oblysyna 20 otbasy, 52 adam, Shyǵys Qazaqstan oblysyna 31 otbasy, 77 adam, Soltústik Qazaqstan oblysyna 43 otbasy, 136 adam, Qostanaı óńirine 36 otbasy, 127 adam qonys aýdarǵan.

Atqarylǵan jumystardyń nátıjesinde óńirlik eńbek rynoǵynda turaqtylyq saqtalyp, jumyssyzdyq deńgeıi 2019 jyldyń 2-toqsanynda 4,8 paıyzdy, jastar jumyssyzdyq deńgeıi 2,4 paıyzdy quraǵan. Bul baǵyttaǵy jumystar aldaǵy ýaqytta da jemisti jalǵasa beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir