• USD 468.56

  • EUR 497.56

  • RUB 7.3

  • CNY 67.18

29 Naýryz, 11:04:57
Almaty
+35°

Elimiz egemendik alǵaly beri aýyl sharýashylyǵyn damytý máselesi kún tártibinen túsken emes. Elbasy-Qazaqstan Respýblıkasynyń Tuńǵysh Prezıdenti N.Nazarbaev Qazaqstan halqyna jyl saıynǵy Joldaýlarynda agroónerkásip keshenin damytý máselesin nazardan tys qaldyrǵan joq. Memleket basshysy Qasym-Jomart Toqaev ta salaǵa serpilis syılaý maqsatynda strategııalyq maqsattar qoıyp otyr.

Bul turǵyda Prezıdent: «Aýyl sharýashylyǵy – bizdiń negizgi resýrsymyz, biraq onyń áleýeti tolyq paıdalanylmaı otyr.

El ishinde ǵana emes, shetelde de suranysqa ıe organıkalyq jáne ekologııalyq taza ónim óndirý úshin zor múmkindikter bar.

Biz sýarmaly jer kólemin kezeń-kezeńmen 2030 jylǵa qaraı 3 mıllıon gektarǵa deıin ulǵaıtýymyz kerek.

Bul aýyl sharýashylyǵy óniminiń kólemin 4,5 ese arttyrýǵa múmkindik beredi.

Saýda jáne ıntegrasııa, aýyl sharýashylyǵy mınıstrlikteri fermerlerge óz ónimin syrtqa shyǵaryp satý úshin barynsha qoldaý kórsetýi tıis.

Osyǵan oraı Úkimetke tıisti tapsyrma berildi. Bul – mańyzdy mindet,

Aýyl sharýashylyǵy ónimin eksporttaý isinde shıkizatqa negizdelýden bas tartý kerek» dep atap kórsetti.

Qazirgi tańda Jambyl oblysynda mal sharýashylyǵyn damytýda birneshe iri ınvestısııalyq jobalar iske asyrylýda.

Mysaly, Qordaı aýdanynda «Kazmeat Kordai» JShS-niń bordaqylaý alańy qaıta qurý arqyly jylyna 8,0 myń bas múıizdi iri qara bordaqylaýǵa qaýqarly iri keshenge aınalady. Sút baǵytyndaǵy mal sharýashylyǵyn damytýǵa arnalǵan uzaq merzimdi konsepsııa qabyldanyp oblysta 2018-2027 jyldar aralyǵynda jańa 61 sút-taýar fermasy iske qosylady, osydan 12 sút taýarly fermasy saýyn sıyr sany 400 basty quraıtyn iri keshender.

2019 jyly 4 fermanyń qurylysy josparlanǵan. Solardyń qatarynda bir ferma 1 200 basqa arnalǵan keshen. Ony «Gambýrg» JShS salýda.

Jambyl oblysy boıynsha, 2019 jylǵa asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy qoldaý baǵdarlamasyna 3,65 mıllıard teńge bólinip tolyq ıgerildi.

Sonymen qatar Jambyl oblysynda qus sharýashylyǵyn damytý boıynsha keshendi sharalar atqarylýda. Taǵamdyq jumyrtqa, etin óndirýdi arttyrý maqsatynda «Asa damý» JShS, «Áýlıe-ata Fenıks» JShS qus fabrıkalary keńeıtý, modernızasııadan ótýde. Baızaq aýdanynda «Allel Agro» JShS qus fabrıkasyn iske qosý jumystary jalǵasyn tabýda.Osy sharalardyń arqasynda oblysta óndiriletin qus etiniń kólemi 2 esege artady dep kútilýde, aǵymdaǵy jyldyń ózinde 224,7 tonna qus eti eksporttaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir