Áýlıeatada et eksportynyń kólemi ulǵaıýda

Aýyl sharýashylyǵyn damytý-mańyzdy baǵyttyń biri. Sondyqtan da boar, Memleket basshysy Q.Tovaey «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda osy salaǵa aıryqsha nazar aýdardy. Búginde agroónerkásip keshenin damytý baǵytynda Áýlıeata óńirinde irgeli bastamalar kóterilýde.

Qazaqstan Respýblıkasy Aýyl sharýashylyǵy mınıstrliginiń tapsyrmasyna sáıkes 2018 jyly Jambyl oblysy boıynsha 1,0 myń tonna sıyr jáne 1,5 myń tonna qoı eti eksportqa shyǵarylýy tıis bolsa, esepti kezeńde oblystaǵy taýaróndirýshiler eksportqa barlyǵy 1014,1 tonna sıyr jáne 1659,1 tonna qoı etin shyǵardy. Sıyr etin eksporttaý boıynsha Memorandýmda belgilengen kórsetkishtiń oryndalýy 101,4 paıyzdy, qoı eti eksporty boıynsha 109,1 paıyzdy qurady. 2019 jylǵa bekitilgen josparǵa sáıkes oblystan 1500 tonna sıyr eti eksportqa shyǵarylýy tıis. Aǵymdaǵy jyl basynan beri taýaróndirýshiler 862,7 tonna sıyr etin eksportqa shyǵaryp, jospardyń oryndalýy 57,5 paıyzdy qurady. Sonymen birge 671,2 tonna qoı eti eksporttalyp jospardyń (jospar - 2000 tonna) oryndalýy 33,6 paıyzdy qurady.

Negizgi eksporttaýshylar qatarynda eksportqa baǵyttalǵan damyǵan tehnologııaly bordaqylaý alańdary jáne klaster quramyndaǵy «Ońtústik Halal Taǵamdary» JShS, Merki aýdanynda «Merki et kombınaty» JShS, Qordaı aýdanyndaǵy «Pervomaıskıe delıkatesy JShS» et kombınattary boldy. Et ónimderiniń negizgi bóligi Iran Islam Respýblıkasy, Bahreın Karoldigi, Kýveıt memleketine eksporttaldy.

Osy kásiporyndardyń júktelimin arttyrý arqyly aldaǵy ýaqytta etti eksporttaý dınamıkasyn arttyrý josparlanýda. Baǵdarlama aıasynda qoldaǵy maldyń ónimdiligin arttyrý maqsatynda et baǵytyna tuqymdyq túrlendirý jumysy qolǵa alyndy. Jyl boıy tuqymdyq túrlendirýge múıizdi iri qara malynyń 65,5 myń analyq basy tartylyp, jospardyń oryndalýy 102,3 paıyzdy qurady.

Jambyl óńiri-qashannan agrarly salaǵa beıimdelgen aımaq. Bul baǵytta burynnan qalyptasqan baı tájirıbe bar. Al Memleket basshysynyń salany damytýǵa baılanysty bergen tapsyrmasy men baıandy baǵdarlamalar bul baǵyttaǵy jumystardy tipten jandandyra túskenin aıtý kerek.