Baqylaý bar jerde, jumystyń da berekesi kiredi

Tapsyrma talaby – nátıje. Osyny jiti túsinetin jambyldyq quzyrly mekemeler Memleket basshysy júktegen mindetterdi minsiz oryndaýǵa bar kúshterin jumyldyrýda. Árıne Prezıdent tapsyrǵan tapsyrmalardyń tııanaqty oryndalýy mańyzdy. Mine osy másele Taraz qalasyndaǵy «Dostyq» úıinde taǵy bir márte talqyǵa salyndy, dep jazady Qamshy.kz aqparat agenttigi. 2019 jylǵy 24 mamyrdaǵy QR Prezıdenti janyndaǵy otandyq ınvestorlar keńesiniń qorytyndysy boıynsha Qazaqstan Respýblıkasy Prezıdenti Qasym-Jomart Toqaevtyń baqylaý-qadaǵalaý organdarynyń bıznes-qaýymdastyq aldynda óńirlerde biryńǵaı esep berý kúnin (budan ári - Biryńǵaı esep berý kúni) ótkizý tapsyrmasyn oryndaý maqsatynda, Jambyl oblysynyń ákimdigi Biryńǵaı esep berý kúnin Taraz qalasynyń «Dostyq úıinde» ótkizdi.

Kezdesý barysynda memlekettik baqylaý-qadaǵalaý organdarynyń (quqyqtyq statıstıka, sybaılas jemqorlyqqa qarsy is-qımyl agenttigi, memlekettik kirister, tehnıkalyq retteý jáne metrologııa, ekologııa, ádilet, taýarlar men kórsetiletin qyzmetterdiń sapasy men qaýipsizdigin baqylaý, bilim salasyndaǵy baqylaý departamenti) jyl basynan beri atqarǵan jumysynyń esebi tyńdalyp, sondaı-aq kásipkerler tarapynan qoıylǵan suraqtarǵa memlekettik qadaǵalaý organdary tarapynan jaýap berildi.

Sondaı-aq Jambyl oblysy ákimdiginiń kásipkerlik jáne ındýstrıaldy – ınnovasııalyq damytý basqarmasynyń uıymdastyrýymen baqylaý-qadaǵalaý organdarynyń bıznes-qaýymdastyq aldynda esep berý kezdesýi ótkizildi.

Atalmysh kezdesý Jambyl oblysy ákiminiń orynbasary Nurjan Kalenderovtiń tóraǵalyǵymen ótti. Kezdesýge oblystyq basqarmalardyń jáne baqylaý-qadaǵalaý fýnksııalaryn atqaratyn organ basshylary, oblystyń kásipkerleri men buqaralyq aqparat quraldarynyń ókilderi qatysty.

Is-sharanyń basty maqsaty – baqylaý-qadaǵalaý qyzmetindegi zańnama talaptary men tártibiniń saqtalýyn qamtamasyz etý, tekserý taǵaıyndaý men ony iske asyrýda mindetti talaptardyń buzylýynyń aldyn-alý, kásipkerlerdiń quqyqtyq saýattylyǵyn arttyrý.

Kezdesý barysynda memlekettik baqylaý-qadaǵalaý fýnksııalaryn atqaratyn birqatar organdardyń esebi tyńdaldy.

Sondaı – aq, tıisti quzyrly organdar tarapynan kásipkerlik sýbektilerine júrgizilgen tekserýler, olardy júrgizý tártibi, oryn alǵan zań buzýshylyqtar, olarǵa jol bergen laýazymdyq tulǵalarǵa qoldanylǵan sharalar týraly birqatar máseleler talqylandy.

Jıyn sońynda memlekettik baqylaý-qadaǵalaý organdarynyń ókilderine bıznes sýbektileri tarapynan suraqtar qoıylyp, tıisti jaýaptar berildi.

Sonymen qatar mundaı sharanyń mańyzdylyǵy aıtylyp, ashyq dıalog alańynyń jumysyn turaqty túrde uıymdastyrý usynyldy.