• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:59:55
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Áriptestik aıasynda 172 kóshe jaryqtandyrylady

Memlekettik-jekeshelik áriptestik aıasynda búginde baǵdaryn tapqan bastamalar az emes. Bul bir qyrynan bılik pen kásipker arasyn jaqyndata tústi. Jambyl oblysynda mámilege kelip, osynaý jobaǵa jan úrlenip jatqan tirlikter az emes, dep jazady Qamshy.kz aqparat agenttigi.  Máselen oblys ákimdiginiń energetıka jáne turǵyn úı-kommýnaldyq sharýashylyq basqarmasy, Taraz qalasyndaǵy qoldanystaǵy 172 kóshege jaryq shamdaryn memlekettik-jekeshelik áriptestik baǵdarlamasy aıasynda, jańǵyrtý jumystaryn júrgizýdi qolǵa alýda. Osyǵan oraı, memlekettik – jekeshelik áriptestik baǵytynda 16 079 dana jaryq dıodty shamdary men 95 dana basqarý apparattaryn ornatý josparlanǵan jáne qarajat kólemi shamamen 3 195 929 myń teńgeni quraıtyn bolady.

Atalǵan baǵdarlama sheńberinde, qyzyǵýshylyq tanytyp otyrǵan «Altocom Asia» JShS men konsorsıým «Everlight Alto» birlestiginiń qarjy - ekonomıkalyq jobalyq modeline sáıkes, kóshe jaryqtaryn jaryq dıodty shamdarǵa aýystyrǵan jaǵdaıda, elektr energııasynyń shyǵynyn 50 paıyzǵa tómendetý eseptelgen.

Memlekettik-jekeshelik áriptestik (ári qaraı- MJÁ) jobalaryn josparlaýdyń jáne iske asyrýdyń keıbir máseleleri týraly Qazaqstan Respýblıkasy Ulttyq ekonomıka mınıstrligi 2015 jylǵy 25 qarashadaǵy № 725 buıryǵynyń 130- tarmaǵyna sáıkes, áleýetti jekeshe áriptes memlekettik – jekeshelik áritestik baǵytynda bastmashylyqty iske asyrýǵa ótinimderin usyndy. Onyń ishinde áleýetti jekeshe áriptestiń ataýyn jáne mekenjaıyn; memleketke tıesiligin (zańdy tulǵalar úshin), azamattyǵyn (jeke tulǵalar úshin); zańdy tulǵalardyń basshylary nemese ıeleri jáne áleýetti jekeshe áripteske ókildik etetin tulǵalar týraly derekterdi; osy Qaǵıdalardyń 128-tarmaǵyna sáıkes obektige qatysty menshik nemese uzaq merzimge jalǵa alý quqyǵyn nemese áleýetti jekeshe áripteske tıesili zııatkerlik shyǵarmashylyq qyzmet nátıjelerine aıryqsha quqyqtardy rastaıtyn qujattardy; áleýetti jekeshe áripteste tıesili zııatkerlik shyǵarmashylyq qyzmet nátıjelerine aıryqsha quqyqtardyń bolýy týraly tıisti ýákiletti organnyń rastaıtyn hatty; osy Qaǵıdalarǵa 5-qosymshaǵa sáıkes qurylymda ázirlengen MJÁ jobasyna bıznes-jospar. Bul rette MJÁ jobasynyń qarjy-ekonomıkalyq modelin MJÁ jobasynyń bastamashysy ázirlendi jáne MJÁ jobasyna bıznes-jospar quramynda usynylyp otyr. Bul sóz joq jemisin berer jobalar ekeni daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir