17 Qazan, 2019 Aımaqtar

Sońǵy 10 jylda 133 eldi meken gazdandyryldy

Qazirgi tańda jylytý maýsymynyń júıeli ótýi men turǵyndardyń turmysyn jeńildetý baǵytynda aýqymdy sharalar atqarylýda. Sonyń biri qazandyqtardy gazǵa aýystyrý bastamasy. Bul joba aıasynda Jambyl oblysynda búgingi kúnge deıin atqarylǵan jumystar barshylyq, dep jazady Qamshy.kz aqparat agenttigi. Esterińizde bolsa, 2017 jyly «Nurly jol» memlekettik baǵdarlamasy aıasynda Jambyl oblysy «Shý-Jylý» KMK ortalyq qazandyǵynyń KE-25/14S markaly eki bý qazanyn gazben jumys jasaıtyn qazandarǵa aýystyryp, qaıta jańǵyrtýdan ótip, somasy 260,7 mln. Teńgeni qurady.

Jabdyqtardy ornatý elektr energııasyn tutynýdy jáne negizgi otyndy satyp alý qunyn tómendetýge múmkindik berdi. Osylaısha, ortasha jyldyq energııa únemdeý 350 myń kVt nemese 6,0 mln. teńgeni qurady, otyn shyǵyny 4,0 myń m3 qarsy 3 456 myń m3, birdeı qýattylyqpen (jyl saıynǵy otyn ekonomıkasy (tabıǵı gaz) 590 myń m3 nemese 14,0 myń teńge bolady). Bul kásiporynnyń qarjy-sharýashylyq qyzmeti aıtarlyqtaı jaqsardy.

Gaz salasyn damytý baǵytynda oblysta 377 eldi meken bar. Onyń ishinde qazirgi tańda gazdandyrylǵany 181, nemese 48 paıyzy. 2018-2027 jyldary 196 eldi mekendi gazdandyrý josparlanýda, nátıjesinde 377 eldi mekender gazdandyrylyp, úlesi 100%-ǵa jetkiziledi.

2008 jyly oblys boıynsha 48 eldi meken taýarlyq gaz tutynǵan bolsa, 2019 jyldyń 1 qańtaryna 181-dy qurady. Demek, sońǵy 10 jyl ishinde gazdandyrylǵany 133 eldi meken.

Gazdandyrylmaǵan 173 eldi meken máselesin sheshý maqsatynda, 2019 jyldan bastap, úsh jylda bólip qarjylandyrý úshin, Energetıka mınıstrligine eldi mekenderge gaz keltiretin qubyr qurylysyna 43 524 mln.teńge quraıtyn 11 joba daıyndalyp, bıýdjettik ótinim berilgen. Onyń ishinde qurylysyn 2019 jyly bastaý úshin oblystyq bıýdjetten Baızaq aýdanyna 1 365 mln. teńge, respýblıkalyq bıýdjen Shý aýdanyna 200 mln. teńge, Jambyl aýdanyna 300 mln. teńge, Jýaly aýdanyna 704 mln. teńge bólindi. Sarysý aýdanynda ornalasqan mıneraldy tyńaıtqyshtar shyǵaratyn Evrohım-Qarataý zaýytyn jáne Jańatas qalasyn gazdandyrý úshin 2019 jylǵa 3 mlrd. teńge bólingen, al respýblıkalyq bıýdjetten bólinetin, qalǵan 4,7 mlrd. teńge 2020 jylǵa josparlanýda.

Oblysta jalpy sany 210 myń avtokólik tirkelgen. Onyń 6 696 danasy gaz qondyrǵysymen jabdyqtalǵan (6 247 – jeńil, 292 – júk jáne 157 jolaýshylar kóligi).

Tutynýshylarǵa suıytylǵan munaı gazyn taratatyn akkredıttelgen 18 gaz jelisi uıymy tirkelgen. 2019 jyly oblysta ornalasqan avtokólikke gaz quıatyn 157 dana beketter sany áreket etýde.

Osylaısha gazdandyrý baǵytynda talaı tirlik tiktelýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir