Aýyzsý baǵytynda jeti joba jandanýda

Elbasynyń tapsyrmasyna oraı Jambyl oblysynda jabdyqtaý jáne sý burý júıelerin damytý jónindegi «2020 jylǵa deıin óńirlerdi damytý» baǵdarlamasy naqty is júzine asyrylý ústinde. Atalǵan baǵdarlama 2020 jylǵa deıingi merzimdi qamtıdy ári respýblıkadaǵy eldi mekenderdiń barlyǵyn taza da sapaly aýyzsýmen jabdyqtaýǵa baǵyttalyp otyr, dep jazady Qamshy.kz aqparat agenttigi. Osyǵan baılanysty jumystar óńirimizde de qarqyndy jalǵastyrylýda.

Oblystaǵy 678,5 myń halyq turatyn 373 aýyldyq eldi mekenniń búgingi kúni 362,7 myń halqy bar 199-y nemese 53,3 paıyzy ortalyqtandyrylǵan aýyzsýmen qamtylǵan. Al jalpy eldi mekenderdiń 174-iniń (46,7 paıyzynyń) halqy qudyqtan, kolonkadan sý alyp, basqa da sý kózderin paıdalanyp otyr. Aǵymdaǵy jyldyń 1 qańtarynda 4 qalada turǵyndardyń ortalyqtandyrylǵan sýmen qamtylǵany 88,0 paıyzdy qurady. Onyń ishinde Taraz qalasyndaǵy 357528 adamnyń 89,3, Qarataý qalasyndaǵy 30214 adamnyń 100, Jańatas qalasyndaǵy 22383 adamnyń 100, Shý qalasyndaǵy 36656 adamnyń 60,0 paıyzy ortalyqtandyrylǵan sý qubyr júıesiniń ıgiligin kórýde. Bıylǵy jylǵa bıýdjetten Taraz qalasynyń sýmen qamtý salasy boıynsha 2 jobaǵa 1775,2 mıllıon, aýyldyq eldi mekenderdi sýmen qamtýǵa barlyǵy 16 jobaǵa 5222,7 mıllıon teńge qarjy qarastyryldy. Aldaǵy ýaqytta Taraz qalasynyń sýmen qamtylmaǵan aýmaqtaryna aýyzsý jetkizý maqsatynda 7 joba ázirlený ústinde. Olardyń negizinen qalanyń syrt jaqtarynda ornalasqan jáne burynǵy saıajaılarynda, atap aıtqanda, «Shalǵaı Qarasý – 1,2,3,4,5,6,7», «Qaınar», «Mıchýrınes», «Aqjol», «Rodnıchok», «Tekturmas», «Qarasaı», «Baryshan», «Shóldala», «Qumshaǵal», «Qyzyl Abad», «Kazarma», «Kóltoǵan», «Jıdeli» turǵyn alqaptarynda júzege asyrylýy kózdelgen. Osy jobalar daıyndalyp iske asatyn bolsa, Taraz qalasynyń turǵyndary tolyǵymen aýyzsýmen qamtylatyn boldy. Iá, bul keleshekke kepil bolar jospar. Eń bastysy tirlishik kózi turǵyndarǵa tolyq jetip jatsa, odan asqan baqyt joq. Osyny kózdegen memlekettik saıasattyń da minsizdigi men jemisine jurtshylyqta kóz jetkize bastady. Endi tek bári ýaqyt enshisindegi nárse. Áıteýir basy táp-táýir bastalǵan tirliktiń sońy syldyr sýǵa aınalmaı, halyqtyń ıgiligine jaraıdy dep senemiz.