• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:45:21
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Eksport kólemi ulǵaımaq

Shaǵyn jáne orta bıznesti damytý-memlekettik saıasattyń baǵyty. Bul turǵyda Memleket basshysy Qasym-Jomart Toqaev salaǵa serpilis syılaıtyn tyń mindetter júktep otyr. Osy oraıda Jambyl oblysynda memlekettik baǵdarlamalardyń arqasynda jumysyn jolǵa qoıǵan óndiris oshaqtary áleýmettiń áleýetin arttyrýǵa da atsalysýda. Solardyń biri-«Talas Investment Company» jaýapkershiligi shekteýli seriktestigi.

Aıta ketý kerek, kompanııa jumysqa qabyldanǵan qyzmetkerlerdi baspanamen qamtý úshin Talas aýdanynyń ortalyǵy-Qarataý qalasynan 5 qabatty, 2 kireberisti turǵyn úı satyp alyp, paıdalanýǵa berdi.

Paıda bolǵan bos jumys oryndaryn qamtamasyz etý Talas aýdany ákimdiginiń jumyspen qamtý jáne áleýmettik baǵdarlamalar bólimimen birlesken jumystar arqasynda júzege asýda.

Budan bólek seriktestik tarapynan 2015 jyldan bastap memleket bıýdjetine 683,8 mıllıon teńgeden astam qarajat salyqtyq aýdarymdar esebinde tólendi.

Kompanııa 2019 jyldyń kóleminde tolyq jobalyq qýat kórsetkishine shyǵýdy josparlap otyr. Buǵan basqarý júıesin avtomattandyrý jumystary esebinen qol jetkizilmek. Sonymen qatar, 2019-2022 jyldary «Natrıı sıanıdin óndirý qýattylyǵyn jylyna 30 myń tonnaǵa deıin jetkizý úshin zaýyttyń ekinshi kezeńiniń qurylysyn júrgizý» jobasy arqyly jyldyq qýattylyǵyn arttyrý sharalaryn júrgizý josparlanyp otyr.

Altyn óndirý kólemin jyl sanap arttyrý baǵytyndaǵy memlekettik saıasat qazaqstandyq kompanııalar tarapynan natrıı sıanıdine suranystyń ósýine oń yqpal etýde. Al óz kezeginde natrıı sıanıdi altyn óndirisiniń kólemin arttyrýdyń negizgi hımııalyq qospa sanalady. Oǵan qosa Qytaıdyń Sınszıan-Uıǵyr avtonomııalyq aýdanynda qalyptasqan jaǵdaıǵa baılanysty qytaılyq natrıı sıanıdi kompanııalary sonda baǵyttalýynan Tájikstan, Qyrǵyzstannyń altyn óndirýshileri tarapynan dál osy hımııalyq qospaǵa suranys artyp, eksporttaǵy qajettilik ulǵaıa tústi. Máselen Qytaıdyń Sınszıan-Uıǵyr avtonomııalyq aýdanynda 120 myń tonna natrıı sıanıdin óndirýge qabiletti zaýyt boldy. Bul óndiris oshaǵy Reseı-Qazaqstan naryǵyna negizgi básekeles sanaldy. Sońǵy 1,5 jyl ishinde natrıı sıanıdiniń baǵasy 30 paıyzdan da kóp ósti. Qazirgi tańda 1 tonna natrıı sıanıdin satyp alý boıynsha kelisimsharttyń quny 2500-2800 dollardy quraıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir