• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:46:44
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Shaǵyn qala shyraılana túsýde

Elbasy N.Nazarbaevtyń táýelsiz elimizdi qalyptastyrý men damytýdaǵy eńbegi ushan-teńiz. Tuńǵysh Prezıdent ekonomıkada kóptegen betburystar jasap, reformalyq baǵdarlamalardy júzege asyrdy. Munyń bári halyqtyń áleýmettik jaǵdaıynyń ońalýy úshin qolǵa alynǵan úlken sharýalarmen astasyp jatyr.

Solardyń biri kezinde óndirisi qarqyn alyp, táýelsizdiktiń alǵashqy qıyn shaǵynda toqyraýdy bastan keshirgen shaǵyn qalalardyń qaıta eńse tikteýine úlken janashyrlyqpen qaraılasqany jan qýantady. Máselen, bir ǵana «Monoqalalardy damytýdyń 2012-2020 jyldarǵa arnalǵan memlekettik baǵdarlamasy» aıasynda Jambyl oblysyndaǵy Jańatas qalasynda kóptegen ári nátıjeli jumystar atqaryldy.

«QazAgro» Ulttyq basqarýshy holdıngi» AQ enshiles kompanııasy – «Aýyl sharýashylyǵyn qarjylaı qoldaý qory» AQ arqyly atalǵan baǵdarlama boıynsha monoqalalar turǵyndaryn jumyspen qamtýdyń tıimdi qurylymyn qurý úshin, ekonomıkany ártaraptandyrý, shaǵyn jáne orta bıznesti damytý maqsatynda respýblıkalyq bıýjetten qyrýar qarajat bólindi.

Baǵdarlama aıasynda Jańatas qalasy boıynsha 9 bıýdjettik ınvestısııalyq joba anyqtalyp, 2012 jyly 82,9 mıllıon teńge bólinse, kelesi jyly budan kóp qarjy qarastyryldy. Iаǵnı 2013 jyly Jańatas qalasyn kóriktendirip, sýlandyrý, ishki kvartaldardyń jylý júıesin qaıta jańǵyrtý, kásipkerliktiń órisin ashýǵa arnalǵan nesıe berý, buzylǵan kópqabatty turǵyn úılerdiń ornyn tazalaý baǵytynda 660,6 mıllıon teńge bólinip, biraz jumys atqaryldy. Jalpy, baǵdarlama Jańatas qalasynda júzege asqan 2012-2015 jyldary aralyǵynda qalanyń áleýmettik-ekonomıkalyq damýy úshin barlyǵy 2 mıllıard 151,8 mıllıon teńge bólindi.

Bul, árıne atqarylǵan jumystardyń bir parasy ǵana. Qazirgi tańda kenshiler shahary kúnnen kúnge kórkeıip, jyldan jylǵa jasaryp keledi. О́ziniń jarty ǵasyrlyq belesinde qulpyrý, quldyraý, qaıta órleý syndy kezeńderdi bastan ótkergen shaǵyn qalanyń bolashaǵy jarqyn, keleshegi kemel. Qazirgi tańda memlekettik baǵdarlamalardyń arqasynda kásipkerliktiń kókjıegi keńeıip, áleýmettiń áleýeti artýda. Jańa jumys oryndary kóbeıip, jurtshylyqtyń da erteńge degen senimi nyǵaıa túsýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir