• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:33:00
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Tynymsyz eńbekpen tirligin tikteýde

Búginde memleket tarapynan kásipkerlikti qoldaý baǵytynda túrli kómekter kórsetilip jatyr. Qazaqstan Respýblıkasynyń Prezıdenti Q.Toqaev ta «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda shaǵyn jáne orta bıznesti damytýdyń basym baǵyttaryn aıqyndap berdi.

Qazirgi tańda Jambyl oblysynda osyndaı múmkindikterdi paıdalanyp, óz isin dóńgelentip otyrǵan kásipkerler az emes. Solardyń biri- Gúldana Dosymbekova. Ananyń tálimin tergen balalary da eńbekke beıim bolyp ósýde. Ásirese, kenjesi Meıirlan jaıly kóp aıtýǵa bolady. 28 jastaǵy jigit Aqtaý taýynyń etegindegi Úshbulaqtyń mańaıynda oıpańdaý jerde sharýa qojalyǵynyń tizgini ustap, tirligin tikteýde.

– Osydan onshaqty jyl buryn jan jarym Dúısenbek Saǵyntaev oılamaǵan jerden opat boldy. Temirjol salasynda eńbek etetin. Qatardaǵy temirjolshydan dırektorlyqqa deıin ósti. Balalary Meıirlan men Erlan da ákeleriniń jolyn qýyp júrgen. Ákeniń ómirden ozǵany árıne, otbasymyzǵa aýyr tıdi. Men ózim Sarysý aýdanyndaǵy mektepterdiń birinde bastaýysh synyp muǵalimi bolyp qyzmet jasap júrgen edim. Tórt ul-qyzdy baǵyp, sharýanyń ne ekenin bilgen de emespin. Qazaqtyń dástúrinde ananyń baqyty – bala súıý, otaǵasynyń paryzy – otbasyna tirek bolý. Biraq otaǵasy ómirden ótkende oılanady ekensiń. О́zi jańadan ǵana ashqan sharýa qojalyǵy bar, basqa da kásipti oılastyryp júrgen otaǵasynyń arman otyn óshirmeı ármen qaraı júzege asyrsam degen oı paıda boldy. Sodan Talas aýdandyq kásipkerlik jáne ónerkásip bóliminiń basshysy Aýdanbek Taýasarovqa jolyqtym. Qınalǵanda aqyl berer, kómekteser jannyń bary qandaı jaqsy. «Siz, balalaryńyz kónse, kúıeýińizdiń tirligin alǵa jyljytyńyz, odan ókinbeısiz» dedi aǵalyq aqylyn berip.

Aqylǵa salyp edim, «Ákemizdiń sharýashylyǵyn qolǵa alamyz» dep, olar da kelise ketti. Jasyratyn ne bar, mal jaıýdyń qyr-syryn jete bilmegendikten alǵashqy kezderi balapandarym kóp qınaldy. Alaıda, olar tabandylyq tanytty. Qora-jaı soqty, jeke úı saldy. Ne kerek, áleýmettik jaǵdaılaryn jasap aldy. Eńbek etemin degenge memlekettiń de kómegi kóp eken. «DAMU» kásipkerlikti qoldaý qory arqyly 6 mıllıon teńgege deıin jeti jylǵa nesıe alyp, ony ornymen jumsady, – deıdi Gúldana.

Búginderi «Meıirlan» sharýa qojalyǵynda 700 basqa tarta qazaqtyń edilbaı qoıy bar. Iri qarany da ósirip otyr eken. Meıirlan batyr mal tuqymyn asyldandyryp, úkimetten sýbsıdııa alý jaǵyn da oılastyryp júr. Baýyry Erlan da kásibin tastap, inisiniń tirligine kómekke keldi. Al onyń jubaıy Aıjan «Dıplommen aýylǵa» baǵdarlamasymen Kóktal aýylyndaǵy Maǵjan Jumabaev atyndaǵy orta mektepte jumysqa turyp, aǵylshyn tili páninen ustazdyq etýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir