• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:41:33
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

"Qazfosfat" jastardy qoldaıdy

Elbasynyń tikeleı bastamasymen jarııalanǵan Jastar jylynda Jambyl obysynda jarqyn jobalar kóptep júzege asýda. О́skeleń urpaqqa baǵyt-baǵdar siltep, qamqorlyq jasaýda jergilikti atqarýshy organdardan bólek jekelegen kásiporyndar da súbeli úles qosýda. Solardyń qatarynda bıyl jıyrmasynshy belesine qadam basqan «Qazfosfat» jaýapkershiligi shekteýli seriktestiginiń de shoqtyǵy bıik.

Kompanııa bıyl Jastar jylyna oraı óndiris salasynda júrgen ozyq oıly, ónertapqyshtyq qasıeti bar jasy 35-ke deıingi azamattar arasynda «Bolashaq bizdiń qolymyzda» atty konkýrs ótkizdi. Jalpy, seriktestikte 6 223 adam eńbek etse, onyń 2 167-si 18-35 aralyǵyndaǵy jastar. Konkýrstyń alǵashqy kezeńinde osy kompanııada jumys isteıtin 70-ke jýyq jas konkýrstyń birinshi kezeńinde ózderiniń 59 kreatıvti jobalaryn usynyp, sonyń ishinde 35-i aqtyq synǵa ótken bolatyn. Al seriktestiktiń Mıneraldy tyńaıtqysh zaýytynda ótken aqtyq synda irikteýden irkilmeı ótkender óz jobalaryn arnaıy qurylǵan komıssııa aldynda qorǵady.

– Jobanyń maqsaty – kompanııada eńbek etetin jastardyń ózin-ózi damytýyna jaǵdaı jasaý. Kóshbasshylyq qabiletin arttyryp, iskerlik belsendiligin, qarym-qabiletin, jobalaý daǵdylaryn qalyptastyrý jáne shyǵarmashylyq ujymda ádis-tásilderin jetildirip, ıdeıalaryn qanattandyrý. Budan bólek jastardyń ıdeıasy arqyly qoǵamdaǵy nemese kompanııadaǵy tehnıkalyq, ekonomıkalyq, áleýmettik sekildi san túrli saladaǵy ózekti máselelerdi sheshý, – deıdi «Qazfosfat» JShS bas dırektory Muqash Eskendirov.

О́zderiniń kreatıvti ıdeıalary men utymdy usynystaryn kóptiń talqysyna salǵan ónertapqyshtyń biri – «Qazfosfat» JShS Mıneraldy tyńaıtqysh zaýyty bas energetıginiń orynbasary Abzal Qonysbaev. Ol óz jobasynda óndiris ornyndaǵy júk kótergish mehanızmderdegi paıdalanylatyn symdardy alyp tastap, onyń ornyna qabyldaǵysh jáne jibergish sıgnaldardy engizý arqyly mehanızmdi pýltpen basqarý usynylǵanyn aıtady.

– Konkýrsqa jastar ekologııalyq, áleýmettik, tehnıkalyq, elektrlik, mehanıkalyq jáne óndiristik salalar boıynsha óz jobalaryn ákelip qorǵap jatyr. Negizinen meniń jobam symsyz basqarý dep atalady. Bul júk kótergish zattardy pýlt arqyly alystan basqarý. Atalǵan jańa qurylǵy alǵash Mıneraldy tyńaıtqysh zaýytynda qoldanylyp, qazir óńirdegi óndiris oryndarynyń seksennen astam núktelerinde paıdalanýǵa engizilip úlgerdi. Osy qurylǵy arqyly 600-900 kelili tartatyn júkti ashyq vagondarǵa artýǵa bolady. Bul óz kezeginde eńbek ónimdiligin artyratyny anyq, – deıdi Abzal Qambaruly.

Sonymen qatar kompanııa jastary arasynda óner saıystary men sport jarystary kóptep ótkizilýde. Munyń barlyǵy da hımııa ónerkásibiniń alyby sanalasyn seriktestiktiń jas tolqynǵa degen laıyqty qamqorlyǵy ekendigi daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir