• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:07:14
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Túsindirý jumystary júrgizilýde

Memleket basshysy Qasym-Jomart Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda áleýmettik salany damytýǵa aıryqsha basymdyq bergeni belgili. Búginde Jambyl oblysynda Joldaý júktegen mindetterdi júzege asyrý baǵytynda júıeli jumystar atqarylýda. Ásirese, ataýly áleýmettik kómek taǵaıyndaýdyń jańa úlgisin túsindirý jumystary keń kólemde júrgizilýde. Osy oraıda oblys ákimdigi jumyspen qamtýdy úılestirý jáne áleýmettik baǵdarlamalar basqarmasynyń basshysy Tımýrjan Nurymbetov bul baǵytta atqarylyp jatqan sharalar týraly áńgimelep berdi.

–Ataýly áleýmettik kómek alýshy otbasylarǵa taldaý jasaǵanda, 50%-ǵa jýyǵy kópbalaly otbasylar ekeni anyqtaldy. Mundaı otbasylarǵa beriletin jańa memlekettik járdemaqyny otbasy balalarynyń sanyna qaraı 42500 teńgeden 73 375 teńgege deıin, aılyq eseptik kórsetkishke eselengen mólsherde belgileý usynylady. Sonymen qatar, óńirimizde kópbalaly otbasylardyń tabysy kedeılik sheginen 100 teńge asyp ketip járdemaqy ala almaǵanyn da kórip júrmiz. Jańa ózgerister osyndaı áleýmettik teńsizdikti joıý maqsatynda jasalynǵan qadam. Bul kópbalaly analardyń bedelin moıyndap, olardyń ál-aýqatyn arttyrýǵa sep bolaryna senemiz. Ataýly áleýmettik kómek otbasylarǵa tólenetin jalǵyz kómek emes. Sondaı-aq balaly otbasylarǵa áleýmettik tólemder men járdemaqylardyń ártúrli túrlerin tóleý qarastyrylady. Budan bólek az qamtamasyz etilgen otbasylar úshin qosymsha áleýmettik kepildendirilgen paket endiriledi.

Qazaqstan Respýblıkasynyń «Memlekettik ataýly áleýmettik kómek týraly» Zańyna ózgerister engizilip, tabysy az otbasylardan shyqqan balalarǵa kepildi áleýmettik paket beriletin bolady. Mektepke deıingi jastaǵy balalar tamaqpen, gıgıenalyq quraldarmen jáne bilim berý qyzmetterimen qamtamasyz etiledi. Al, mekteptegi balalar úshin mektepterde tegin ystyq tamaq, kúndelikti mektepke deıin jáne keri tegin jol júrý, sondaı-aq mektep formasy men oqý quraldary memleket esebinen beriledi,-deıdi Jambyl oblysy ákimdigi jumyspen qamtýdy úılestirý jáne áleýmettik baǵdarlamalar basqarmasynyń basshysy Tımýrjan Nurymbetov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir