• USD 468.56

  • EUR 497.56

  • RUB 7.3

  • CNY 67.18

29 Naýryz, 15:07:53
Almaty
+35°

18 qazanda Almaty ákimi B. Saǵyntaev jazýshylar qaýymymen kezdesti jáne ataýly granttardy tapsyrdy.

Granttar – tamyz aıynda Jazýshylar úıinde ádebıet shyǵarmashylyǵy qyzmetkerlerimen bolǵan kezdesýde aıtylǵan qoldaýdyń bir sharasy. Grantqa úmitkerlerdi Qazaqstan Jazýshylar odaǵynyń komıssııasy anyqtaıdy. Grant somasy – 500 myń teńge. Qazaqstan Jazýshylar odaǵynyń 820 múshesiniń 360-y Almatyda turady.

Qala ákimi aǵymdaǵy jyly Qazaqstan Jazýshylar odaǵynyń tarıhı ǵımaratyn jóndeý bastalatynyn, nysannyń burynǵy sáýlet kórkin saqtaý basty sharttyń biri ekenin atap ótti. Keler jyly Ádebıetshiler úıin jóndeýden ótkizý josparlanǵan.

«2021 jyly biz el Táýelsizdiginiń 30 jyldyǵyn atap ótemiz, keler jyly – uly Abaı men ál-Farabıdiń mereıtoılary. Sizderdiń ssenarıılerdi, qoıylymdardy, ádebı shyǵarmany ázirleýge qosatyn úlestirińiz óte baǵaly», – dedi B. Saǵyntaev, sonymen qatar ol qoǵamǵa rýhanı baǵdardyń qajet ekenin atap ótti.

О́z kezeginde Qazaqstan Jazýshylar Odaǵynyń tóraǵasy Ulyqbek Esdáýlet qoldaýǵa, ásirese jas jazýshylarǵa kórsetilgen senimge alǵys sózin aıtyp, rızashylyǵyn bildirdi.

«Bizge, halyqtyń ókili retinde ákimniń estýi mańyzdy, demek ol qalalyqtardyń qajettilikteri men úmit-nıetin biledi degen sóz. Biz óz tarapymyzdan qala qoǵamdastyǵyn damytýǵa óz úlesimizdi qosý úshin barlyq múmkindikterdi jasaıtyn bolamyz», – dedi U. Esdaýlet.

Ákimniń granttaryn alǵandar ishinde dramatýrg Sofy Smataev, jazýshy Temirhan Medetbek, aqyndar Israıl Saparbaı, Nadejda Chernova, Patıgúl Maqsatova, Lıýbov Shashkova, jas aqyndar Darhan Beısenbekuly, Doshan Jylqybaı, Irına Gýmyrkına, aýdarmashy Nına Skalovskaıa, synshy Baǵashar Aryqbaev jáne basqalary bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir