• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:37:02
Qazaqstan Ýkraınanyń saýda naryǵyna alańdaýly

18 Qazan, 2019

Astana avtobýstarynda beınekameraǵa qaraý arqyly jolaqysy tólenetin bolady

Astana LRT basqarýshy dırektorynyń málimetinshe, Nur-Sultan qalasynda jolaqy tóleýdiń jańa ádisi pılottyq joba retinde synaqtan ótkizilýde. Jańa júıe jolaýshylardy esepke alý men baqylaý júıesin jeńildetýdi maqsat etýde.  

FacePay – bıometrııalyq málimettermen basqarý júıesi. Ol adamdardy taný fýnksııasy arqyly jumys jasaıdy.

FacePay arqyly jolaqysyn tóleý úshin Telegram kanalynda @facePay_bot baǵdarlamasyn taýyp, ózińizdiń jeke sáıkestendirý nomerińizdi (JSN) tirkeısiz. Sýretke túsip (selfı de jaraıdy), bank kartasyn tirkeısiz.

О́z derekterińizdi paıdalanýǵa ruqsat bergennen keıin, júıe qosylǵan avtobýsta jol aqysyn esh kedergisiz tóleı alasyz. Bılet dereý Telegram-ǵa keledi.

Jolaýshy avtobýsqa kirgennen keıin beınekameraǵa qarasa jetkilikti. Júıe 95 paıyzǵa deıingi naqtylyqpen júzińizdi tanıdy.

"Bul pılottyq joba. Aldaǵy ýaqytta júıeniń artyq-kem tustary bolsa jetildiremiz. Astana LRT elektrondy tólem júıesin ońtaılandyrý maqsatynda barlyq múmkinshilikterdi usynǵysy keledi. Tulǵanyń jeke derekterin saqtaýǵa kepildik beremiz. Biz adamdardyń qaı jerde júrgenin baqylap otyrý úshin emes, jalpy jolaýshylar aǵynyn esepke alý jáne baqylaý úshin jumys jasap jatyrmyz", – deıdi Astana LRT basqarýshy dırektory, basqarma múshesi Dáýren Nurálıev.

"Joba sátti shyqsa, ári qaraı bir marshrýttaǵy avtobýstardy tolyqtaı jabdyqtaımyz. Keıin barlyq avtobýstarǵa da júıeni ornatýdy qolǵa alamyz", – deıdi Dáýren Nurálıev

"Avtobýs kartalaryndaǵy barlyq jeńildikter saqtalady. Máselen, kameraǵa qarap qalsam taǵy da shotymnan aqsha alynady ma dep ýaıymdaýdyń da qajeti joq. Bir saǵat ishindegei tegin aýysyp otyrý múmkindigi munda da bolady", – deıdi IPay kompanııasynyń negizin qalaýshy Almas Aımenov.

Eger baqylaýshy teksergen kezde telefonyńyzdyń qýaty otyryp, Telegram-ǵa kelgen bıletińizdi kórsete almasańyz, baqylaýshyǵa ózińizdiń JSN-yńyzdy aıtsańyz jetkilikti. Jolaqysyn tólegenińiz bazadan kórinedi, deıdi Almas Aımenov.

 

informburo.kz 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir