• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 10:08:32
Qazaqstan Ýkraınanyń saýda naryǵyna alańdaýly

17 Qazan, 2019 NEWS

Mádenı astanada mereıtoılarǵa daıyndyq barysy talqylandy

Almaty ákiminiń orynbasary Erjan Babaqumarovtyń tóraǵalyq etýimen keler jyly Abaıdyń 175 jyldyǵyna, Ábý Nasyr ál-Farabıdiń 1150 jyldyǵyna jáne Altyn Ordanyń 750 jyldyǵyna arnalǵan sharalardy daıyndaý jáne ótkizý boıynsha keńes ótti, dep jazady qalalyq ákimdiktiń baspasóz qyzmeti.

Keńeske ǵalym-tarıhshylar men fılosoftar, óner, kıno, teatr qaıratkerleri, mádenıet salasynyń ókilderi, vedomstvolyq baǵynyshty uıymdardyń basshylary, sonymen qatar, Qazaqstan jazýshylar odaǵynyń tóraǵasy Ulyqbek Esdáýlet, ál-Farabı atyndaǵy QazUÝ rektory Ǵalymqaıyr Mýtanov, fılosof Áset Quranbek, jazýshylar Dýlat Isabekov, Qabdesh Jumadilov, Smaǵul Elýbaev, QR Ulttyq Ǵylym akademııasynyń prezıdenti Murat Jurynov, kınorejısser Sergeı Azımov jáne basqalar qatysty.

2020 jyly el aýqymynda Abaı Qunanbaevtyń 175 jyldyǵy, Ábý Nasyr ál-Farabıdiń 1150 jyldyǵy atalady, sonymen qatar Altyn Ordanyń 750 jyldyǵyn merekeleý boıynsha birqatar sharalar ótedi.

Aıta keterligi, bul mereıtoılyq sharalardyń barlyǵy IýNESKO-nyń qoldaýymen halyqaralyq deńgeıde ulyqtalatyn bolady.

«Almaty elimizdiń mádenı ortalyǵy retinde jalpy respýblıkalyq sharalardy ótkizýdiń negizgi oshaǵy bolýy tıis», – dedi E. Babaqumarov.

Halyqaralyq konferensııalar, kórmeler men «dóńgelek ústelder» ótkizý boıynsha osynaý mereıtoılyq kúnderdi merekeleýdiń jalpy qalalyq sharalary josparlarynyń jobalary ázirlendi.

Jıyn barysynda ár jospar boıynsha usynystar men tolyqtyrýlar engizildi.

«Belgilengen tarıhı kúnderdi merekeleý – halyqtyń tarıhı sana-sezimin tereńdetýge jáne jahandyq formatta elimizdiń rýhanı mádenıetin jan-jaqty alǵa jyljytýǵa baǵyttalǵan táýelsiz Qazaqstannyń jańasha tarıhyndaǵy mańyzdy oqıǵalar», – dep atap ótti Almaty ákiminiń orynbasary.

Keńestiń qorytyndysy boıynsha Mádenıet basqarmasyna barlyq usynystardy qarap shyǵý jáne mereıtoılyq kúnderdi merekeleý jónindegi túpki josparǵa engizý tapsyryldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir