Nursultan áýejaıynyń kody qashan ózgertiledi?

Qazaqstan Respýblıkasynyń Indýstrııa jáne ınfraqurylymdyq damý mınıstrligi Nur-Sultan qalasy áýejaıynyń úsh áriptik kodyn ózgertý boıynsha josparly jumys júrgizýde.

Aǵymdaǵy jyldyń 14 qazanynda Varshava qalasynda (Polsha) IATA-nyń barlyq músheleriniń qatysýymen Jolaýshylar tasymaly standarttary (Passenger Standards Meeting) boıynsha keńes ótti, onyń barysynda Nur-Sultan (TSE) qalasy áýejaıynyń úsh áripti kodyn ózgertýge múmkindik beretin IATA uıymynyń 763 qararyna ózgerister engizý boıynsha qazaqstandyq bastama qoldaý tapty.

Qazirgi ýaqytta astanalyq áýejaıdyń jańa kodynyń birneshe nusqasy qarastyrylýda jáne sońǵy nusqasy talqylanyp jatyr.

763 qarardy ózgertý rásimi belgili bir ýaqytty talap etedi jáne ózgerister 2020 jyldyń qańtarynda kúshine enedi dep kútilýde. Osydan keıin IATA kodynyń sońǵy nusqasy bekitiledi.