• USD 468.56

  • EUR 497.56

  • RUB 7.3

  • CNY 67.18

28 Naýryz, 23:01:51
Almaty
+35°

Búginde jumyssyzdyq onyń ishinde jastar jumyssyzdyǵy ózekti másele bolyp turǵany jasyryn emes. Dese de, memleket tarapynan bul baǵytqa quıylyp jatqan qarjy da, baǵyttalǵan baǵdarlamalar da jeterlik. Mundaı qarqyn sharalar Jambyl oblysynda qaı jyldary bolsa da báseńdegen emes, dep jazady Qamshy.kz aqparat agenttigi. 

Máselen Jambyl aýdany ákimdiginiń jumyspen qamtý jáne áleýmettik baǵdarlamalar bólimi birer jyldyń bederinde júıeli jumystar júrgizýde.

Atap aıtsaq, keshendi jospar boıynsha aldyńǵy jyly 1592 adamdy jumyspen qamtý josparlansa, jyl ishinde 1208 azamat turaqty jumysqa ornalastyrylyp, onyń ishinde 378-i 29 jasqa deıingi jastardy quraǵan. Sondaı-aq, áleýmettik jumys oryndaryna 92 azamat joldansa, 103 túlek «jastar praktıkasymen» bos jumys ornyna tartylǵan. Budan bólek, aqyly qoǵamdyq jumystarǵa 224 adam baǵyttalsa, onyń 77-i jastar. Dál sondaı, 40 aýdan turǵyny kásiptik daıarlaý jáne qaıta daıarlaý kýrstaryna joldama alsa, onyń 17-i jastarǵa tıesili bolyp otyr.

Al «Kásipkerlik bastamany yntalandyrý jáne tirek aýyldardy keshendi damytý» baǵyty arqyly 43 azamat shaǵyn nesıe alyp, óz tirligin dóńgeletýde.

Odan keıingi jyldaryda bul jumystar jańasha qarqyn alyp, tynysy keńeıýde. Ol úshin «Jumyspen qamtý 2020 jol kartasy» baǵdarlamasynyń barlyq baǵyttary boıynsha 490 mıllıon 180 myń teńge bólingen. Bul qarjy 1910 adamdy qosymsha jumyspen qamtýǵa múmkindik týǵyzǵan.

Al bıyldan bastap jumyspen qamtý jumystary jańasha qarqyn alǵanyn el jaqsy biledi. Jáne memlekettik baǵdarlama ataýyn ózgertip, «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik jobasy retinde jańardy. Mine osy baǵdarlamanyń múmkindigin tıimdi paıdalanyp júrgenderdiń biri – Jýaly aýdanynyń turǵyny Muratbek Nysanov.

Muratbek qos kásipti qatar júrgizip keledi. Baǵdarlama arqyly alǵan 3 mıllıon nesıesine aýdanda tehnıkalyq jóndeý ortalyǵyn ashty. Odan bólek, sút qabyldaý beketi de bar. Aýdan turǵyndarynan 110 teńgege sút qabyldap, tonnalap Tarazdaǵy «Lesnıak» JK-ge jetkizedi. Qaramaǵynda 16 jumysshysy bar, onyń tórteýi áleýmettik jumys ornynda eńbek etýde. Isker kásipker tehnıkalyq qyzmet kórsetý sehtaryn kóbeıtip, bıznesin keńeıtýdi maqsat etýde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir