• USD 468.56

  • EUR 497.56

  • RUB 7.3

  • CNY 67.18

29 Naýryz, 17:59:03
Almaty
+35°

Memleket basshysy Qasym-Jomart Toqaev bıylǵy Joldaýynda basa aıtqandaı eń basty maqsat ashyqtyq prınsıpi men buqaramen keri baılanys ornatý. Bul barlyq salaǵa qatysty aıtylǵan dúnıe. Sondyqtan da Jambyl oblysyndaǵy Biryńǵaı jınaqtaýshy zeınetaqy qory jastarǵa arnalǵan tyń joba usynyp otyr, dep jazady Qamshy.kz aqparat agenttigi. 

Tarqatyp aıtsaq, bıyl Biryńǵaı jınaqtaýshy zeınetaqy qory Jastar jyly aıasynda 7 qazan men 1 qarasha aralyǵynda qazaqstandyq joǵary oqý oryndary bakalavrıatynyń stýdentteri arasynda – «Bolashaǵyń óz qolynda!» atty taqyrypta stýdenttik jobalar baıqaýyn uıymdastyrýda. Oǵan barlyq nıet bildirýshi stýdentter mamandyqtary men oqytý nysanyna qaramastan qatysa alady.

Baıqaýǵa qatysý úshin stýdent jeke ózi nemese komandasymen (tórt adamnan aspaıdy) birge joba ázirleýi qajet. Ol jınaqtaýshy zeınetaqy júıesiniń mańyzdylyǵy, jeke zeınetaqy shotyna jarna aýdaryp, jınaq aqshany molaıtý jáne erikti jınaqtardy qalyptastyrý arqyly bolashaqta laıyqty zeınetaqy alýǵa bolatyndyǵy týraly aqparatty halyqqa tıimdi jetkizýge baǵyttalýy tıis. Iаǵnı, aqparatty ár túrli baılanys arnalary (mysaly, BAQ-pen jumys isteý boıynsha joba, beınerolık, telejobalar jáne t. b. ), IT sheshimder (oıyndar, arnaıy qosymshalar jáne t. b.) jáne basqa da ádister arqyly halyqqa jetkizetin daıyn ári tıimdi sheshim bolýy qajet.

Qııalǵa erik berip, tyń ıdeıalar usynýǵa shek qoıylmaıdy! Úzdik ıdeıalar úshin baǵaly syılyqtar tabys etiledi. Olardyń ishinde uıaly telefondar, planshetter jáne basqa da syılyqtar bar.

Dál osy baıqaý seniń ómirińe oń ózgerister engizýi ǵajap emes! Dál seniń jobań Qordyń salymshylary men alýshylary arasynda suranysqa ıe bolýy múmkin! Tolyq aqparat Qordyń www.enpf.kz saıtynyń «Jańalyqtar» bólimi men áleýmettik jelilerdegi resmı paraqshalarynda.

Jumystardy, beıne sálemdesý, arnaıy nysan boıynsha qatysýshynyń ótinimi, sondaı-aq sýretter men fotosýretterdi [email protected] elektrondyq poshtasyna jiberý kerek. Suraqtar týyndaǵan jaǵdaıda «BJZQ» AQ Jurtshylyqpen baılanys departamentine 331-66-99 (ishki 5220) telefon nómiri arqyly habarlasýǵa bolady.

BJZQ 2013 jylǵy 22 tamyzda «GNPF» JZQ» AQ negizinde quryldy. BJZQ quryltaıshysy jáne aksıoneri – Qazaqstan Respýblıkasy Qarjy mınıstrliginiń «Memlekettik múlik jáne jekeshelendirý komıteti» MM arqyly Qazaqstan Respýblıkasynyń Úkimeti. BJZQ zeınetaqy aktıvterin senimgerlikpen basqarýdy Qazaqstan Respýblıkasynyń Ulttyq Banki júzege asyrady. 2016 jylǵy 1 qańtardan bastap zeınetaqy aktıvterin basqarý tıimdiligin arttyrý boıynsha usynystar jasaý qyzmeti Ulttyq qordy basqarý keńesine berildi. Zeınetaqy zańnamasyna sáıkes BJZQ mindetti zeınetaqy jarnalaryn, mindetti kásiptik zeınetaqy jarnalaryn, erikti zeınetaqy jarnalaryn tartýdy, zeınetaqy tólemderin, zeınetaqy jınaqtary men tólemderin jeke esepke alýdy júzege asyrady, salymshyǵa (alýshyǵa) zeınetaqy jınaqtarynyń jaı-kúıi týraly aqparat beredi (tolyǵyraq www.enpf.kz saıtynda).

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir