• USD 468.56

  • EUR 497.56

  • RUB 7.3

  • CNY 67.18

28 Naýryz, 22:50:56
Almaty
+35°

Búginde memleketimiz agro salasyn alshań bastyrý baǵytynda az jumystar jasap jatqan joq. Túrli memlekettik baǵdarlamalar keńestik kezeńnen keıin umyt qalǵan tirliktiń tinine jan úrleýde. Sonyń biri – qant qyzylshasy. Osydan birer jyl buryn Jambyl oblysynda qolǵa alynǵan sharýashylyqtyń qazirgi qarqyny kóz qýantady, dep jazady Qamshy.kz aqparat agenttigi. Jalpy bul bastamaǵa bıyl barlyq aýdandar ún qosqan bolsa, Merki aýdanyndaǵy Qant zaýyty qyzylsha qabyldaýdy bastady. Ala jaz boıy sharýalar baptaǵan baltamyr endi qabyldaý pýnktine jóneltilip, tarazyǵa tarazylanýda.

Merki aýdanynyń qant qyzylshasyn qabyldaý pýnktine jergilikti jerlerden basqa, T.Rysqulov pen Shý aýdanynyń sharýalary da óz ónimderin ótkizip, eńbektiń ónbegin kórýde. Otandyq ónimniń sapasy bıyl joǵary. Ony endi jańbyr men qar astynda qaldyrmaı, der kezinde suryptap, óndiris ornyna jiberý mindetine qojalyqtar minsiz kirisken. Sondyqtanda qabyldaý alańyndaǵylar tańerteńnen bastap, túnniń bir ýaǵyna deıin jumys qarqynyn báseńdetpeýde. Pýnkt bir kúnniń ishinde 3 myń tonnaǵa deıin qyzylsha qabyldaýǵa qaýqarly bolsa, kásiporyn qazir tolyq qýatty kúshinde jumys jasap tur.

Qyzylshamen aınalsýshylarǵa jyldaǵydaı bıyl da kómekqarjy beriledi. Zaýytpen kelisimshart ta jasalyp, endi ótken jyldaǵydaı emes, keshiktirmeı tóleý jaǵy jolǵa qoıylǵan.

Jalpy Merki aýdany boıynsha bıyl 1871 gektar jerge qyzylsha egilse, qazir baltamyrdaǵy barlyq alqabynda tirshiliktiń taıqazany qaınap tur. О́nimdi jınap alý naýqany aıdyń sońyna deıin jalǵasady dep kútilýde.

Shyndyǵy kerek, osydan bes jyldaı buryn qolǵa alynǵan sharýanyń shapaǵatyn barlyq sharýalar kórip jatyr. Bastapqy jyldary 6-7 myń gektar jerge qyzylsha otyrǵyzylsa, búginde egistik kólemi 10 myń gektarǵa deıin ulǵaıǵan. Al oblys ákimi Asqar Myrzahmetovtiń tikeleı bastamasymen bıyl qyzylsha tuqymy qojalyqtarǵa der kezinde jetkizilip, Qant zaýyttarymen ónimdi joǵary baǵamen qabyldaý jóninde mámile bekitildi. Sonyń arqasynda aǵymdaǵy jyly dıqanshylar ónimdi qaıda ótkizemiz dep qınalmaýda. Tek dala tóseninen der kezinde jınap alyp, Qant zaýytyna jetkizse bolǵany. Bul údeden qazir jambyldyq sharalar tolyqtaı shyǵýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir