• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:49:47
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Jemqorlyq – qoǵam derti

Búginde jemqorlyqpen kúres elimizde qarqyndy júrgizilip jatqany belgili. Bul baǵytqa baǵyttalǵan jobalarda, aldaǵy besjyldyqqa aıqyndalǵan josparlar da jeterlik. Bir ǵana «Adaldyq alańynyń» Jambyl oblysynda jasap jatqan jumysy qyrýar. Sondaı-aq ózge salanyń mamandary da sybaılas jemqorlyqtyń aldyn alýǵa barynsha kúsh jumyldyrýda, dep jazady Qamshy.kz aqparat agenttigi.  Taraz qalasynda oqyrmandar arasynda sybaılas jemqorlyqqa qarsy mádenıetti qalyptastyrý, óskeleń urpaqty jastaıynan sybaılas jemqorlyq kórinisterine tózbeýshilik qatynastar qundylyǵyna tárbıeleý jáne ony boılaryna sińirý maqsatymen «Adaldyq saǵaty» aıasynda «Jemqorlyqqa qarsy kúres» taqyrybynda dóńgelek ústel ótti. Is-sharaǵa Jambyl polıtehnıkalyq joǵary kolledjiniń bilimgerleri men Qazaqstan Respýblıkasynyń sybaılas jemqorlyqqa qarsy is-qımyl agenttiginiń Jambyl oblysy boıynsha departament basshysy Tólebaev Ravıl Qýanyshbaıuly qatysyp, óz oıyn ortaǵa saldy. Shara sońynda «Jemqorlyqqa jol joq!» kitap kórmesine bıblıografııalyq sholý jasaldy.

Budan bólek, sybaılas jemqorlyqqa qarsy iske asyrý aıasynda otbasy músheleriniń arasyndaǵy baýyrmaldyq, qaıyrymdylyq, dostyq qarym-qatynasty qalyptastyrý, parasatty otbasy qundylyqtaryn nasıhattaý maqsatynda «Parasatty otbasy» baıqaýy aýdandyq, Taraz qalalyq bilim mekemelerinde ótti. 15 qazan kúni baıqaýdyń aýdandyq (qalalyq) kezeńine 1475 otbasy qatysty. Aǵymdaǵy jyldyń 7 qarashasynda ótkiziletin oblystyq kezeńge aýdandar men Taraz qalasynda úzdik dep tanylǵan 29-ǵa jýyq otbasy baq synady. Taǵy bir tyń joba, jambyldyq jastar #paraberme chellendjin qoldaıdy. Jalpyrespýblıkalyq para berme chellendjin Taraz memlekettik pedagogıkalyq ýnıversıteti stýdentteri, parasattylyq qaǵıdalaryn negizge ala otyryp, óńirdegi ózge de oqý oryndary stýdentterin chellendjdi qoldaýǵa shaqyrdy.

Mine osylaısha jambyldyqtar jemqorlyqpen kúreske jiti kóńil bólýde. Sala mamandary men quzyrly mekemeler túrli jıyndar ótkizip, nasıhat sharalaryn qolǵa alyp jatsa, jastar da jaqsylyqtyń jarshysy bolyp, óz únderin qosýda. Endeshe mundaı tirlikter kópke úlgi bolsyn dep tileımiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir