• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:32:24
Qazaqstan Ýkraınanyń saýda naryǵyna alańdaýly

17 Qazan, 2019 Aımaqtar

Maldy asyldandyrý mańyzdy mindet

Elbasy «100 naqty qadam» Ult josparynda asyraýshy salanyń el ekonomıkasynyń negizgi draıverine aınaldyrýdyń mańyzdylyǵyna toqtaldy. Jáne mal etiniń eksportalýyna asy kóńil bóldi. Búginde bul baǵytta jasalyp jatqan jumystar az emes. Qasıetti Áýlıeata topyraǵynda iri qaralardy asyldandyrý aıryqsha qarqyn alýda dep jazady Qamshy.kz aqparat agenttigi. Jasyratyny joq, jambyldyq sharýalar múıizdi iri qara tuqymyn asyldandyrý baǵytyn keshendi josparlardy júzege asyrýda. Qazirgi tańda memleket qoldaýyna arqa súıegen sharýashylyqtar et jáne sút baǵytynda mal basyn kóbeıtýdi myqtap qolǵa alǵan.

Máselen Jýaly aýdany Bılikól aýylynda «Sábıt» sharýa qojalyǵy asyl tuqymdy sharýashylyqty damytýǵa nıet bildirip, batyl qadamǵa baryp otyr. Sharýa qojalyǵy sońǵy jyldary asyl tuqymdy mal sharýashylyǵyn damytý jumystarymen erekshe kózge túsýde. Búginde aýyl mańyndaǵy bos jatqan jerden shaǵyn sharýashylyǵyn ashyp, onda et baǵytyndaǵy sıyrdy kútip, baptap otyr. Osydan eki sharýanyń qolynda bar iri qaralar qarapaıym qazaqy tuqym bolǵan. Qazir jappaı asyldandyrýdyń arqasynda maldyń salmaǵy artyp, tuqymy irilengen. «Jalpy, eńbek etemin degen adamǵa qazir múmkindik te, jaǵdaı da jetkilikti» deıdi sharýanyń ózi.

Sharýashylyqta kóbine aýyldyń azamattary eńbek etedi. Jumystaryna qaraı alatyn aılyqtary da qomaqty. Onyń biri sıyr malyn jaısa, endi biri qoı baǵyp júr. Al, osynda eki jyldan astam jumys isteıtin Rýslan Qýatovtyń negizgi isi sıyr qaraý eken. Ol osynda jumys isteý arqyly ózinde de mal jınap jatqanyn aıtady. Sıyrshynyń sharshamaı bes- alty jyl eńbek etsem óz aldyma bólinip shyǵamyn degen de oıy bar.

Sharýashylyq aldaǵy ýaqytta mal basy sanyn budan da arttyryp, aýyl mańynan mal bordaqylaý keshenin ashýdy josparlap otyr. Ol úshin memleket tarapynan qoldaý da barshylyq. Jalpy, Bılikól aýyly Jýaly aýdanyndaǵy mal basy sany eń kóp eldi meken ekenin búginde bar statıstıka rastap otyr.

Memleket taýarly sút fermalaryn quryp, et ónimderin eseleýge basymdyq berip otyrǵany osyndaı sharýalardyń tirliginen kórinis tabady. Sondyqtan bul baǵyttaǵy jumystar Jambyl jerinde qosalqy sharýashylyq arqyly keshendi damı túsip, óz jemisin eselep beretindigine bek senimdimiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir