Tramp hatynda "eger Ankara Sırııanyń soltústik-shyǵysynda áskerı operasııa bastasa, Túrkııa ekonomıkasyn joıyp jiberetinin" jazǵan.
"Eger barlyǵyn durys ári adamgershilikke saı jasasańyzdar tarıhta jaqsy attaryńyz qalady. Biraq is nasyrǵa shapsa, tarıhqa jaýyz bolyp enesizder. Aqymaq bolmańyzdar! Keıin habarlasamyn" dep jazǵan Tramp.
Halyqaralyq aqparat agenttikteri 9 qazannan beri Sırııanyń soltústiginen 150 myń adam bosyp ketkenin habarlady. Túrkııa operasııa bastaǵan kúni Tramp ákimshiligi AQSh bul operasııaǵa qatyspaıtynyn málimdep, Amerıka áskeri Sırııanyń soltústik-shyǵysyn tastap kete bastaǵan.
Sırııalyq kúrdter – AQSh-tyń "Islam memleketi" terrorıstik tobymen kúreste negizgi seriktesi. Al Túrkııa kúrd jasaqtaryn "terrorlyq top" dep sanaıdy.
2016 jyly kúrdter Sırııanyń soltústik aımaǵyna baqylaý ornatyp, "Rodjaba – Soltústik Sırııa" federatıvti aımaǵyn qurǵanyn jarııalaǵan. Kúrdter qurǵan aımaqqa Jazıra, Kobanı jáne Afrın qalalary engen.
"Azattyq" radıosy
Pikir qaldyrý
pikir