• USD 389.52
  • EUR 429.21
  • RUB 6.07
  • CNY 54.94
20 Qańtar, 08:02:00
Qazaqstan Ýkraınanyń saýda naryǵyna alańdaýly

18 Qazan, 2019 Saıasat

"Aqymaq bolmańyzdar!" AQSh prezıdenti Túrkııa basshysyna hat joldady

AQSh prezıdenti Donald Tramptyń Túrkııa basshysy Rejep Taıyp Erdoǵanǵa 9 qazanda joldaǵan haty jarııalandy. Hattyń kóshirmesin jýrnalıst Trısh Regan bólisti. Keıin Aq úı bul hatty Tramp jazǵanyn rastady.

Tramp hatynda "eger Ankara Sırııanyń soltústik-shyǵysynda áskerı operasııa bastasa, Túrkııa ekonomıkasyn joıyp jiberetinin" jazǵan.

Donald Tramp haty

"Eger barlyǵyn durys ári adamgershilikke saı jasasańyzdar tarıhta jaqsy attaryńyz qalady. Biraq is nasyrǵa shapsa, tarıhqa jaýyz bolyp enesizder. Aqymaq bolmańyzdar! Keıin habarlasamyn" dep jazǵan Tramp.

9 qazanda Túrkııa Sırııanyń soltústik-shyǵysynda áskerı operasııa bastaǵan. Túrkııa prezıdenti Rejep Taıyp Erdoǵannyń sózinshe, bul operasııanyń maqsaty - "DAISh terrorlyq uıymymen jáne kúrdterdiń qarýly jasaqtarymen kúres". Ankara osy operasııa arqyly Sırııanyń soltústik-shyǵysynda qaýipsiz aımaq quryp, Túrkııadaǵy sırııalyq bosqyndardy osy aýmaqqa ornalastyrǵysy keledi.

Halyqaralyq aqparat agenttikteri 9 qazannan beri Sırııanyń soltústiginen 150 myń adam bosyp ketkenin habarlady. Túrkııa operasııa bastaǵan kúni Tramp ákimshiligi AQSh bul operasııaǵa qatyspaıtynyn málimdep, Amerıka áskeri Sırııanyń soltústik-shyǵysyn tastap kete bastaǵan.

Sırııalyq kúrdter – AQSh-tyń "Islam memleketi" terrorıstik tobymen kúreste negizgi seriktesi. Al Túrkııa kúrd jasaqtaryn "terrorlyq top" dep sanaıdy.

2016 jyly kúrdter Sırııanyń soltústik aımaǵyna baqylaý ornatyp, "Rodjaba – Soltústik Sırııa" federatıvti aımaǵyn qurǵanyn jarııalaǵan. Kúrdter qurǵan aımaqqa Jazıra, Kobanı jáne Afrın qalalary engen.

"Azattyq" radıosy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir