Aqparat jáne qoǵamdyq damý mınıstri Dáýren Abaev "Habar" arnasynyń "Ashyq dıalog" baǵdarlamasynda birqatar saýalǵa jaýap berdi dep jazady Qamshy.kz aqparat agenttigi.
Mınıstr Nursultan Nazarbaevtyń jaqynda "Habar" arnasynda bergen suqbaty týraly: "Elbasy osyndaı kólemdi suqbat berýdiń sátin kútti. Buǵan tań qalmaımyn. Elbasynyń burynǵy baspasóz hatshysy retinde aıtarym, ol elimizde bolyp jatqan jaǵdaıdy únemi baqylap, oqıǵalardan habardar bolyp otyrady", - dedi.
Mınıstr kópshiliktiń kókeıinde týyndaǵan Qazaqstandaǵy "qos bılik" týraly da óz oıyn aıtty.
"Birinshiden, Elbasy Prezıdenttiń jumysyna aralasqan emes, aralaspaıdy da. Munyń bári qatań konstıtýsııalyq zańmen qorǵalǵan. Ekinshiden, Toqaev – ekinshi Nazarbaev emes. Onyń ózindik basqarý stıli, óz kózqarasy bar. Sondyqtan Prezıdent óz jumysynda jańa format qoldana bastaǵanda árkez "qos bılik" týraly taqyrypty kótere berýdiń qajeti joq. Úshinshiden, asa mańyzdy másele jóninde prezıdent Elbasymen keńesetinin Elbasy da, prezıdent de aıtty. Munyń bári kezdeısoqtyń emes. Sebebi, Elbasynyń el basqarý isinde talaı jylǵy tájirıbesi bar. Tabysty bolǵanyn da atap aıtý kerek. Búginde Elbasynan ózge eldiń basshylary da keńes suraıdy ", - dedi Abaev.
Pikir qaldyrý
pikir