Jumys berýshiler qaramaǵyndaǵy qyzmetkerlerge skrınıngten ótý úshin bes kún áleýmettik demalys berýge mindetteledi. Bul týraly búgin densaýlyq saqtaý mınıstri Eljan Birtanov aıtty dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.
Jumys berýshilerdiń adamdardyń densaýlyǵyn saqtaýdaǵy jaýapkershiligin kúsheıtý maqsatynda qol astyndaǵy qyzmetkerlerine skrınıngten ótý úshin mindetti áleýmettik demalys berý kózdelip otyr. Jańa norma "Halyq densaýlyǵy jáne densaýlyq saqtaý júıesi týraly" kodeks jobasynda jazylǵan.
"Barlyq azamattyń tegin skrınıngten ótýge quqyǵy bar. Sondyqtan jumys berýshiler óz jumysshylaryna aqysy tólenetin demalys berýge mindetti. Eger áleýmettik demalys berýden bas tartsa, onda jumys berýshige aıyppul salynady", - dedi Birtanov májilis kýlýarynda.
Mınıstr áleýmettik demalys bes kúndi quraıtynyn jáne ol qazirgi eńbek demalysynan bólek beriletinin naqtylady.
Eger jumys berýshi áleýmettik demalys bermese, qazaqstandyqtar eńbek jáne densaýlyq saqtaý mınıstrlikterindegi quzyrly organdarǵa shaǵymdana alady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir