• USD 468.56

  • EUR 497.56

  • RUB 7.3

  • CNY 67.18

29 Naýryz, 11:48:53
Almaty
+35°

Nazarbaev zııatkerlik mektebiniń oqýshylary Aqtóbe oblystyq tarıhı-ólketaný mýzeıinde eki jobany usyndy. Bul kórý qabileti buzylǵan adamdarǵa arnalǵan mobıldi qosymsha jáne baǵyttaýshy taıaq dep habarlaıdy Qamshy.kz aqparat agenttigi bilimdinews.kz saıtyna silteme jasap. 

Murajaıda oblystyq zaǵıp jáne kórý qabileti nashar adamdar arnalǵan arnaıy kitaphana uıymdastyrǵan «Múmkindigi shekteýli jandar úshin kópshilikke arnalǵan kitaphanalardyń qoljetimdiligi» semınary ótti. Qojın Asan men Taýmergenov Nurdaýlet BlindHelper atty zaǵıp jandarǵa arnalǵan navıgasııalyq júıesi bar taıaq avtorlary.

Jobanyń mindeti – kórý qabileti nashar adamdardy baǵyttaýǵa arnalǵan ámbebap qurylǵyny jasaý. BlindHelper belgili bir jerde adamnyń ornalasqan jerin tabady jáne neırondyq jelilerdi qoldana otyryp, kerek pýnktke aparady. Ony paıdalaný úshin úshinshi taraptyń kómegin qajet etpeıdi. Basqarý jáne navıgasııa qarapaıym jáne ıntýıtıvti formatta ótedi.

Bul múmkindigi shekteýli jandar úshin jasalǵan Nurdáýlettiń alǵashqy jobasy emes. О́tken jyly NZM oqýshysy Halyqaralyq zııatkerlik oıyndardyń Gran-prı ıegeri atandy jáne «GloveSpeaker» mylqaýlarǵa arnalǵan qolǵap jasap shyǵarǵany úshin 5000 dollar jeńip aldy. Ekinshi ónertabys – zaǵıp nemese kórý qabileti nashar adamdarǵa arnalǵan mobıldi qosymsha. Abdrahmanova Nazerke, Nurlybaı Aqmereı jáne Shınbaeva Arýjan «О́mir súrý qabileti» degendi bildiretin «Able to Live» jobasyn usyndy. Qosymshanyń eki negizgi mindeti bar.

Birinshisinde – paıdalanýshy tek smartfon kamerasyn mátinge baǵyttaýy kerek, qosymsha ony tanyp, mátindi daýystap oqıdy. Ekinshi mindet – kamerany adamǵa nemese kez-kelgen obektige baǵyttaǵanda, qosymsha onyń túsin, ne istep turǵanyn, tipti onyń kóńil-kúıin sıpattaıdy. Balalar jobalaryn ári qaraı damytyp, olardy kópshilikke qol jetimdi etýdi josparlap otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir