• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:28:46
Qazaqstan Ýkraınanyń saýda naryǵyna alańdaýly

17 Qazan, 2019 Ekonomıka

200 teńgelik tıyn aınalymǵa shyǵady

Qazaqstan Ulttyq banki 2020 jyly nomınaly 200 teńgelik monetany aınalysqa shyǵarady dep habarlaıdy Qamshy.kz aqparat agenttigi qarjy uıymynyń baspasóz qyzmetine silteme jasap. 

Ulttyq banktiń taratqan habarlamaǵa qaraǵanda, qarjy retteýshisiniń mańyzdy mindetteriniń biri - qolma-qol aqsha aınalysynda júrgen qolma-qol aqshanyń sapasyn qamtamasyz etý. Bul banknotty estetıkalyq turǵydan qabyldaý, onyń sanıtarlyq qaýipsizdigi jáne qorǵalý máselesi. 

"Tómen nomınaldaǵy banknottar 1-1,5 jyl ishinde tozady. Salystyrý úshin, joǵary nomınaldaǵy banknottar jáne monetalardyń qoldanylý merzimi kóbirek. Monetalardyń qoldanylý merzimi - 10-15 jyl", - dedi Qolma-qol aqsha aınalysy departamenti basshysy Jomart Qajmuratov.

Qolma-qol aqsha aınalysyn tıimdi uıymdastyrý jáne tómen nomınaldardyń qoldanylý merzimin ulǵaıtý maqsatynda, Ulttyq bank nomınaly 200 teńgelik aınalystaǵy monetany shyǵarý týraly sheshim qabyldady.

eki júz teńge

"Nomınaly 200 teńgelik banknottar zańdy tólem quraly bolyp qalady jáne tólemderdiń barlyq túrleri boıynsha qabyldanýǵa mindetti. Olar tabıǵı tozýyna qaraı aınalymnan alynatyn bolady", - dedi Ulttyq banktiń ókili. Nomınaly 200 teńgelik aınalystaǵy monetalardy aınalysqa shyǵarýdyń josparlanyp otyrǵan kólemi aınalystaǵy monetalardyń jalpy somasynyń 26%-yna teń eken.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir